VOV4.Sêdang - Kơxo lơ 26/2, a Hà Nội, Học viện Quân y ( khu xiâm pơkuâ ngăn lêng) pơtối pâk mơnúa pơkeăng vaccine mơdât COVID-19 Nano Covax rôh má 2 ăm 35 ngế ki pleăng tơná rôh apoăng. Kố cho vaccine mơdât COVID-19 rôh apoăng dêi Việt Nam châ mơnúa pâk apoăng a mơngế, xua ko\ng ti veăng tơlo liăn kơmăi kơmok sinh học pro pơkeăng Nanogen tí tăng hriăn pro.

Pôa Vũ Đức Đam, Ngế pro xiâm pho\ hnê ngăn Chin phuh, Ngế xiâm pơkuâ hnê mơhno tơnêi têa ‘na hbrâ mơdât pơreăng  COVID-19 troh veăng ngăn, mơhnhôk mâu ngế pleăng tơná [ă mâu lêng ki veăng tí tăng hriăn ple\ng pro vaccine. Rôh pâk mơngúa vaccine mơdât COVID-19 Nano Covax rôh má 2 châ tơku\m po a 2 tíu: Học viện Quân y (Khu xiâm pơkuâ ngăn lêng) [ă a Viện Pasteur Pơlê kong kân Hồ Chí Minh.

Tiô tối hdrối, rôh kố ai 165 ngế chêh inâi pleăng tơná mơnúa pâk, po rơdâ mơngế ki pâ rế hên ing 18  hơnăm troh 60 hơnăm, tung mê, mâu ngế ai tơdroăng châi ki ôh tá ‘nhó râ. Rôh má 2 xuân tơbleăng 3 kơlo pâk môi tiah rôh má 1 vâ tơniăn tro tiô khoa hok xuân môi tiah ôh tá hía rôh ki kum pâk. Pak^ng mê kô ai môi khu pơtih pro pơkeăng (khu ôh tá pâk vaccine) vâ pro ngăn ăm ‘nâi tơdroăng pâk, vâ tối ki tơ-[rê dêi pơkeăng, hlối tối nhên tro khoa hok dêi vaccine.

Gương tơplôu [ă tơbleăng