Hlê hâi tro ‘na pơreăng

Ai ngế ki ‘nâ châi ó maluâ hiăng châ [ok thái pơkeăng hnê tối ‘na túa kâ ôu [ă ‘na rêh ối, ‘na tơdroăng ôu pơkeăng ăm tơtro la vâi hmôu tơmiât dêi tơdroăng châi mê ôh tá rơ-iô to lâi. Vâi xuân ối kâ ôu tiô tơná vâ, kâ hên mâu kế râm hăng, kâ hên kế ki chôu, ki tô, ôu hên drôu bie#r, têa ngeăm ai gas, kơphế rêm hâi.

Drêng pơlât hlo dêi chía tâ iâ, vâi hmôu pơ rôe ôu pơkeăng ôh tá vâ lăm khăm, ôh tá êng [ok thái pơkeăng ki pơlât ‘na tơdroăng châi mê. Vâi tơmiât tiah kố, tơdroăng châi vâi mê ôh tá râ, tá rơ-iô, drêng lâi châi lăm pôu [ok thái pơkeăng chêh inâi pơkeăng rôe ôu péa pái hâi ah prêi. La mơ’nui ăm hlo, ngế ki châi thăm pro ăm dêi tơdroăng châi tơná rế ó tâ, pro rế tâk vi khua#n HP ki ôh tá xâu kơ pơkeăng.

Pơlât a hngêi:

Hên ngế xo nge# (pin tối klo#ng tr^ng) [ă têa kơdruâ ôu pơlât châi pơtok nong. Klo#ng tr^ng [ă têa kơdruâ ôu kâ le\m ăm pơtok nong la ki vâ kơdê pơreăng gá bu kơlo iâ tê, ti ai xêt to lâi. Xua jâ pôa pin rôh nah hmâ pro mê, ai ngế ki ‘nâ kâ pôm klo#ng tr^ng ối drêh, ki nếo lâk tơmiât dêi kâ rế hên gá rế le\m.

Klo#ng tr^ng ối drêh [ă kơdrêa tơpoăng klo#ng tr^ng ki hâi teăm tah kô krăm ối tung pơtok nong, pro chiâng tô [ă chiâng êi a drô pơtok nong tâng kâ hên ga kô krêa ton hâi. 

Tơpoăng pôm klo#ng tr^ng châ pêi, uâ mơdiê [ă ko\ng ôh tá kâi tah tâi mâu trếo ‘mêi, tuih ki pro ‘mêi ăm ivá. Tơdroăng ‘măn rak ôh tá krâu kô tơ’lêi ăm mâu vi khuân, pro chiâng phôk, kâ ah chiâng pro ‘mêi tung klêa, troăng klêa ki lo dế. Xua mê, bú chiâng kâ ôu a kơlo ki bú pro ti tá châi ôh tê, xua pôm klo#ng tr^ng [ă têa kơdruâ tâng ôu kâ hên kô pro tô tung klêa.

Xua ôu pơkeăng pơlât tá hâi tro tiô [ok thái pơkeăng hnê

‘Nâ hía xua ing hơnăm hiăng krâ, xua tơdroăng cheăng, xua ôh tá ple\ng tro pro tơ-ê [ă hên tơdroăng ki ê, ai ngế ki ‘nâ hmâ ôu pơkeăng pơlât êi tơlêa pơtok nong, hmâ hlo thế ôu hdrối kâ hmê ‘nâ hía klêi kâ hmê. Ai pơkeăng ki ‘nâ thế ôu tiô chôu pơkâ mê la hiăng ai hên ngế ‘nâ piu ôu a kơxo ah vâi ôu môi hdroh peăng xêi, ‘nâ hía ôu môi hdroh a peăng xêi măng, drêng hloh, tơmiât dêi ôu vâ thế tu\m roh ôu tung hâi ki mê.

Tơdroăng pơlât tiô pơkâ gá ai hên tơdroăng. Môi péa tơdroăng vâ pơtih a kơ’nâi kố:

Hiăng pơtê ôu pơkeăng drêng nếo ôu péa pái hâi ‘nâ hía tâ dêi châ chía prêi. Klêi pơtê ôu pơkeăng, péa pái hâi tâ châi ah ôu nếo pơtối rôe pơkeăng tiô mơ-éa chêh inâi pơkeăng ki ton hdrối mê.

Drêng tâ pơkeăng pro ai tơdroăng châi ki ê ôh tá vâ tối ăm [ok thái pơkeăng, hmôu pơ lăm rôe xêh pơkeăng pơlât tiô tơdroăng ki tơná tâ châi ‘nâ hía hlối ôu tơdrêng [ă pơkeăng ki [ok thái pơkeăng ăm ôu pơlât drêng khăm hdrối nah.

Pơtê ôh tá ôu tiô pơkeăng ki pơlât hdrối drêng pơtối tâ châi nếo: Hên ngế ôh tá vâ lăm khăm roh pơtối vâ ăm [ok thái pơkeăng khăm ngăn, chêh inâi pơkeăng tiô tơdroăng tơná nếo châi mê, hmôu pơ xo ôu nếo pơkeăng tiô [ok thái ăm drêng khăm hdrối, ’nâ hía pơkeăng mê hiăng tâi hâi khế chiâng ăm phêp ôu.

Ôu tiô hlá mơ-éa [ok thái pơkeăng chêh inâi pơkeăng pơlât dêi mơngế ki ê: Hên ngế pâ hlá mơ-éa [ok thái chêh inâi pơkeăng pơlât dêi pú vâ rôe pơkeăng ôu pơlât ăm dêi tơná. Vâi ôh tá ple\ng tơdroăng xiâm gá pro châi, ‘nâ hía gá môi tiah dêi pó, ‘nâ hía vâ môi tiah tê la túa pơlât dêi rêm ngế ôh tá môi tiah dêi rơpó.

Xua mê, ngế ki châi thế ôu pơkeăng tro, thế ôu tiô [ok thái pơkeăng ăm ôu, tâng hiăng tâi pơkeăng pơtối lăm khăm nếo vâ pơlât ăm prêi le\m hlối.

Ngế ki châi pôi tá hmôu pa rôe xêh pơkeăng ôu hmâng vâ tâng ôh tá ai [ok thái pơkeăng hnê tối vâ ví tro tơdjâk chiâng ‘mêi ivá xua ing ôu pơkeăng.

Xua ing tơdroăng kâ ôu:

Hên ngế châi pơtok nong, châi klêa kơbâng xua ing hmâ kâ kế ôh tá tro, xua ing hyôh kong prâi, tíu pêi cheăng, rêm hâi ôu hên drôu bie#r. Hên ngế hmâ hrăng troh kơmăng, iâ koi, ôu hên kơphế ki xăng, ôu hât xuân tơdjâk ó troh tơdroăng pơlât châi pơtok nong, châi klêa kơbâng.

Maluâ pơlât tro tiô túa hnê, ôu pơkeăng tro tơdroăng, tro hâi chôu pơkâ la xuân ôh tá prêi klâi tâng ngế ki châi mê xuân ối ôu drôu bie#r, ôu hât. Ât kâ kơxo, kâ ôh tá tro chôu pơkâ, kâ [eăn, ‘nâ hía kong hiăng măng nếo kâ, klêi kâ prôk [eăn, klêi kâ lơ koi hlối, xuân cho mâu tơdroăng ki pro ôh tá mo le\m ăm châ chăn, ôh tá kâi prêi tung tơdroăng pơlât êi tơlêa pơtok nong, klêa kơbâng.

Tơdroăng ‘’Ivá ăm rêm ngế’’ troh a kố hiăng tâi, pó kô tơmâng ngin tối a rôh kơ’nâi ah nếo.

Gương tơplôu [ă tơbleăng