VOV4.Sêdang - Hâi lơ 27/4, Hô̆i đong hnê ngăn kong pơlê Dak Nông hneăng má 3, hneăng hơnăm 2016-2021 hiăng tơkŭm po hneăng hôp tơpui tơdroăng xiâm pơkâ troăng hơlâ ‘no liăn pêi mâu tơdroăng tơkêa pro pơla hơnăm 2022-2025 ƀă pêi tơdroăng 'na mơngế. A Hneăng hôp, Hô̆i đong hnê ngăn kong pơlê Dak Nông hiăng tơpui tơno ƀă môi tuăn mâu tơdroăng tơpui tiô pơkâ kĭ tiô troăng hơlâ mâu tơdroăng tơkêa pro ‘no liăn cheăng pơla hơnăm 2022-2025.

Hô̆i đong kong pơlê Dak Nông tơbleăng pơkâ ‘no liăn cheăng pơla hơnăm 2021-2025

Ing mê, tâi tâng tơdroăng tối hdrối liăn ngân ‘no mơjiâng pro tơmeăm khoăng pơla mâu hơnăm ki mê ai lối 11.700 rơtal liăn, luâ 2 hdroh tơdế tâng vâ pơchông ƀă pơla hdrối nah. Tiô tối hdrối tung 5 hơnăm la ngiâ Dak Nông kô ‘no liăn mơjiâng pro  lối 170 tơdroăng tơkêa bro, ki ‘mâi rơnêu pro mâu troăng kân, mơjiâng tơmeăm khoăng tung kơphô̆, ‘no liăn mơjiâng khu kăn pơkuâ ‘na điê̆n tưh ƀă kơphô̆ rơkê plê̆ng...

Xuân a rôh hôp, Hô̆i đong hnê ngăn hiăng tơkŭm tơpui tơdroăng cheăng mơnhông ‘na cheăng kâ rơtế ƀă tơdroăng rak tơniăn rêh ối pơlê pơla, hbrâ mơdât pơreăng, hlối mơdêk hnoăng cheăng rak ngăn tơmeăm khoăng ƀă rak vế hyôh kong prâi. Mâu kăn xiâm hiăng tơbleăng hlá mơ-eá ‘na tơdroăng rah xo tơ’nôm mâu kăn cheăng tung Vi ƀan hnê ngăn kong pơlê kơ pôa Trần Văn Diêu, Ngế cheăng tung Bơrô Vi ƀan kong pơlê Dak Nông.

Gương tơplôu ƀă tơleăng