VOV4.Sêdang - Kơxê lơ 3/5, Khu xiâm Kăn sát gak ngăn troăng prôk ăm ‘nâi, tung 4 hâi pơtê leh lơ 30/4 ƀă lơ 1/5 tung lâp tơnêi têa hiăng ai 111 rôh tơklâm rơxế, hlâ 58 ngế, tro rong 64 ngế. Tâng vâ pơchông ƀă 4 hâi leh hơnăm nah xua tơklâm rơxế mê hlo kơdroh 3 tơdroăng pơkâ ‘na kơxô̆ rôh, kơxô̆ mơngế hlâ, kơxô̆ mơngế tro rong.

Tung 4 hâi pơtê leh, mâu Kăn sát gak troăng prôk tung lâp tơnêi têa hiăng séa ngăn, châ hlo pơxâu phak vâ chê 33 rơpâu ngế tro xôi ‘na rak tơniăn drô troăng prôk; rup râng pơtân 207 toăng ô tô, lối 7 rơpâu môtô, rơxế hon đa; xo rak 2 rơpâu 320 to ƀâ vê rơxế. La ga, xua kơxô̆ mơngế ƀă rơxê kơtâu drô troăng tâk hên a mâu troăng ki xiâm, malối cho a hơlâ troăng vâ mot a Pơlê kong xiâm Hà Nội ƀă Pơlê kong kân Hồ Chí Minh. Tung pơla mê, troăng prôk hâi tơxâng tiô púi vâ mê mơhé mâu khu râ pơkuâ cheăng hiăng hbrâ mơhnhôk tăng hên ngế veăng gak ngăn tơbleăng mâu troăng hơlâ pêi xoăng mơhno troăng prôk  hdrối, ing kơxo má, ing hơngế, la xuân ối ai tơdroăng ki chôm hâ ho troăng prôk.

 Gương tơplôu ƀă tơbleăng