Hngêi kơmăi têng khăng, pro têa ôu ing krui kơxái tê ăm kong têa ê dêi rơpo\ng hngêi pôa Lê Trường Đinh, ối a thôn 3, cheăm Dak Sin, tơring Dak Rlâp hiăng pêi cheăng môi tiah hmâ nếo. Pak^ng 10 ha tơnêi pêt kơxái tiu, kơphế, ngoh Đinh ‘no liăn mơjiâng pro hngêi kơmăi têng khăng, pro têa krui kơxái vâ tê ăm kong têa ê kum ăm 10 ngế ai cheăng pêi rêm hâi [ă 40 ngế pêi cheăng tiô rơnó. Kơ’nâi mâu hâi klâ krê, hngêi kơmăi kô re\ng vêh pêi cheăng nếo cho kơnôm teăng ai veăng kum tơdrêng dêi Hngêi rak liăng Agribank tơring Dak Rlâp. Ngoh Đinh ăm ‘nâi, nôkố tâi tâng kơxo# liăn mung dêi rơpo\ng hngêi cho 4 rơtal liăn. Ngoh hiăng châ hngêi rak liăn pro hla mơ-éa pơkâ hâi khế tơvêh che\n [ă pro kơdroh liăn tơkâ klêi mung.

 ‘’Mung a hngêi rak liăn Agribank mê châ vâi tơmâng, to\ng kum, drêng lăm troh a hngêi rak liăn mê ngin nho\ng o pro hlá mơ-éa hlối re\ng há‘’.

Hngêi kơmăi têng khăng, pro têa ôu ing krui kơxái dêi pôa Đinh

Pôa Đỗ Ích Chiến, kăn pho\ hnê ngăn Vi [an cheăm Dak Sin ăm ‘nâi: cheăm Dak Sin ai 2 rơpâu rơpo\ng la ai troh lối 4 rơpâu ha loăng plâi, tung mê ai 20 ha kơphế, 700 ha tiu, [ă 990 ha kơxu. Vâ ‘no liăn rak ngăn mâu loăng plâi ki mê, tâi tâng mâu rơpo\ng hngêi xuân thế mung ki hngêi rak liăn kum pêi chiâk deăng [ă mơnhông thôn pơlê. Kơxo# liăn pêi lo rêm rơpo\ng hngêi tung cheăm hiăng châ lối 48 rơtuh liăn/hơnăm. Dak Sin nôkố bú ối hâi châ troh 5% kơxo# rơpo\ng kơtiê. Pôa Chiến tối: Hngêi rak liăn ngăn ‘na chiâk [ă mơnhông mơdêk thôn pơlê,  cho tíu ki kum vâ kuăn pơlê tíu kố mơ-eăm mơnhông tơdroăng cheăng rêh ối dêi kuăn pơlê:

‘’ ‘Na hngêi rak liăn Agribank mê tung hơnăm hdrối mê hía nah hiăng pêi pro tơdroăng to\ng kum ăm kuăn pơlê tung pơla dế tâ tú pơreăng. Pak^ng mê, hngêi rak liăn kum ‘na pêi chiâk deăng ối veăng tơlo hên liăn tung tơdroăng veăng kum kuăn pơlê ki pêi chiâk tung cheăm Dak Sin ai kơxo# liăn vâ mơnhông cheăng kâ. Tơdroăng rêh ối dêi kuăn pơlê kơnôm ing mê châ mơnhông tơ-[rê’’.

Kuăn pơlê troh pro hlá mơ-éa a hngêi rak liăn Agribank dêi kong pơlê Dak Nông

Pôa Phạm Thanh Hiển, Ngế xiâm pơkuâ ko\ng ti pêi cheăng tiô rơnó tê mơdró [ă mơjiâng hngêi trăng tơmeăm khoăng Minh Khoa a cheăm Nhân cơ, tơring Dak Rlâp ăm ‘nâi: tung pơla ai pơreăng Covid-19, ko\ng ti dêi pôa trâm hên xahpá, tơdroăng kố kô tro lu\p. Nôkố ko\ng ti hiăng vêh pêi cheăng nếo, la xuân tung pơla dế lu\p hên.

‘’Tung pơla ai pơreăng Covid-19 kố nah khu mơdró xuân trâm hên xahpá. Hngêi rak liăn kong a tơring Dak Rlâp xuân hiăng trâm ngin [ă hiăng pro tơ’lêi, tâng kal liăn mê kô kum ăm tơ’nôm. {ă tối ăm ‘nâi mâu tơdroăng, pro hồ sơ vâ kơjo kum ăm tơdroăng kơdroh liăn mung ga ối teăm. Á hlo kố cho môi tơdroăng ki mơhnhôk mâu khu mơdró. Khu mơdró xuân ăm ‘nâi vâi hmiân tuăn’’. 

Pôa Nguyễn Thành Tâm, Ngế xiâm pơkuâ hngêi rak liăn Agribank tơring Dak Rlâp ăm ‘nâi:

‘’{ă tơrêm ngế ai mâu pơkâ to\ng kum tơ ê dêi rơpó, mê cho pơkâ hâi khế hơnăm tơvêh che\n, tơdroăng che\n, kơdroh liăn mung, liăn ăm mung ki tơvêh laih iâ. Tung la ngiâ, Agribank Dak Rlâp pơtối hnê túa pro hlá mơ-éa vâ mâu ngế ki mung xua tơdjâk pơreăng kô châ mung kơxo# liăn dêi Agribank vâ pơtối pêi cheăng kâ tê mơdró’’.

Vâ kơjo kum mâu ki mung pơtối châ mung vâ mơnhông pêi chiâk deăng Agribank Dak Nông kum ahdrối tơdroăng mung liăn [ă mâu ngế ki ai kơxo# liăn che\n troh khế thế tơvêh. Pak^ng mê, pơtối ăm mung [ă mâu ngế tung tơdroăng xúa pêi chiâk, khu mơdró ku\n [ă krâ kơvâ.

Sap ing apoăng hơnăm troh nôkố, mâu tíu pêi cheăng dêi Agribank Dak Nông hiăng ăm mung kơxo# liăn 5.199 rơtal liăn, pro kơxo# liăn ki che\n tung lâp kong pơlê tâk troh 9 rơtal 179 rơpâu liăn. Pôa Trần Hữu Trinh, Ngế xiâm pơkuâ hngêi rak liăn Agribank a kong pơlê Dak Nông hiăng pro klêi hồ sơ [ă ăm xúa mâu tơdroăng to\ng kum ăm 458 ngế ki mung [ă tâi tâng kơxo# liăn mung châ 385 rơtal liăn.

Nôkố ai 779 ngế [ă kơxo# liăn che\n 984 rơtal liăn, tro tơdjâk ó xua pơreăng Covid-19. Mâu ngế ki mê kô châ pêi pro [ă tơdroăng tơkâ luâ xahpá.

‘’Ngin kô veăng kum, ‘mâi rơnêu ngăn hâi khế tơvêh che\n. pêi pro tơdroăng kơdroh nâp liăn tơkâ, ăm mung [ă liăn tơkâ iâ tê troh 2, 5% tiô tơdroăng 100 rơpâu rơtal liăn dêi Agribank. Nôkố ngin hiăng kơdroh châ 5 rơpâu 200 rơtal liăn. Tung la ngiâ ngin kô pơtối tơbleăng mâu kơxo# liăn mung vâ kum ăm mâu rơpo\ng pêi cheăng kâ, kum mâu ngế, mâu khu mơdró kô kâi mơ-eăm tơkâ luâ mâu tơdroăng pá‘’.

Lê Xuân Lãm chêh

Gương tơplôu [ă tơbleăng