VOV4.Sedang -  Hlo ki rơ-iô dêi pơreăng, pá vâ ‘nâi hdrối ‘na pơreăng COVID-19 dế tâ tú a kong pơlê Bắc Ninh, Vi ƀan tâ phĭu dêi kong pơlê Bắc Ninh  hiăng pơtroh hlá mơ-éa thế hneăng hôp hô̆i đong tâ phĭu tơnêi têa ăm phêp Vi ƀan tâ phĭu rah xo kăn kong pơlê Bắc Ninh tơkŭm tâ phĭu rĕng tâ a mâu kơpong tâ phĭu dêi 2 tơring, 1 pơlê kong krâm ƀă 1 pơlê kong kơdrâm.

Hlá mơ-eá tiâ mê, Hô̆i đong tâ phĭu Tơnêi têa hiăng vâ môi tuăn ƀă tơdroăng pơkâ mê ăm phêp mâu kơpong Tâ phĭu kân a pơlê kong kơdrâm Bắc Ninh, pơlê kong krâm Từ Sơn, tơring Tiên Du ƀă tơring Gia Bình châ tâ phiu rah xo kăn Kuô̆k hô̆i hneăng 15 ƀă kăn Hô̆i đong hnê ngăn rêm râ hneăng 2021-2026 rĕng tâ môi hâi tâng vâ pơchông ƀă hâi tâ phĭu tung lâp tơnêi têa, mê cho hâi lơ 22/5/2021.

Hô̆i đong tâ phĭu tơnêi têa thế Vi ƀan tâ phĭu kong pơlê Bắc Ninh hnê mơhno tơdroăng tâ phĭu rah xo kăn Kuô̆k hô̆i hneăng 15 ƀă Kăn hnê ngăn Hô̆i đong rêm râ hneăng 2021-2026 tro tiô pơkâ dêi luât ƀă mâu troăng hơlâ hnê mơhno dêi Hô̆i đong tâ phĭu tơnêi têa.

Gương tơplôu ƀă tơbleăng