VOV4.Sêdang - Tiô Vi ƀan tâ phĭu pơlê kong kơdrâm Bảo Lộc, kong pơlê Lâm Đồng, lâp pơlê kong kơdrâm ai vâ chê 116 rơpâu ngế kuăn pơlê veăng tâ phĭu rah xo kăn Kuô̆k hô̆i hneăng má XV ƀă Hô̆i đong kuăn pơlê mâu râ hneăng hơnăm 2021 – 2026, a 90 tíu tâ phĭu.

Bảo Lộc: Hbrâ ăm hâi tâ phĭu tung pơla ai pơreăng xông tâ tú

Troh nôkố, a tíu pêi cheăng Vi ƀan bêng, cheăm, tôh kơphô̆ lơ pơlê pơla ƀă mâu tíu tâ phĭu, inâi mâu kuăn pơlê tâ phĭu ƀă mâu ngế tơbriât to pro kăn hiăng châ chêh tơbleăng tơdrăng; teăng mâ mâu khu tâ phĭu a mâu bêng, cheăm hiăng hbrâ seá ngăn, tơ’nôm tơdroăng ki nếo inâi mâu ngế tâ phĭu tiô pơkâ dêi Luât tâ phĭu; pêi pro tơdâng tơ’mô mâu troăng tơniăn tung gak kring, khăm pơlât, hbrâ mơdât pơreăng COVID 19 kum tung tơdroăng tâ phĭu.

Tơdroăng hbrâ tâ phĭu ăm hâi lơ 23/5 la ngiâ hiăng châ hbrâ tơniăn lĕm, tŭm tơdroăng tiô tro pơkâ vâ kuăn pơlê ai tâ phĭu krip kân, kơdĭng, tơniăn ƀă tơtro tiô pơkâ dêi Luât tâ phĭu chiâng păng ‘nâng cho hâi leh kân dêi tâi tâng kuăn pơlê.

A Sa Ly tơplôu ƀă tơbleăng