VOV4.Sêdang - Hdrối kố nah, Chin phuh hiăng pơkâ tơdroăng pơkâ kơxô̆ 34/NQ-CP ‘na rak tơniăn kế kâ tơnêi têa troh hơnăm 2030. Tung mê, tối nhên tơdroăng kring vế kế kâ đi đo châ Đảng ƀă Tơnêi têa tơmâng ngăn khât, hnê mơhno, vâ rak vế gak kring kế kâ tơnêi têa ki hdrối ƀă ki ton xŏn. Tơdroăng pơkâ mơ’no ki xiâm tơdjuôm cho rak vế tơniăn tŭm kế kâ, kế kâ ăm mâu ngế ki roê xúa tung tơnêi têa tung mâu tơdroăng ƀă môi iâ cho tê ngi kong têa ê; mơdêk pêi lo liăn ăm kuăn pơlê vâ rak tơniăn châ roê xúa kế kâ ki dâi lĕm, tơniăn kế kâ; rế hía rế mơdêk troăng ngăn, ivá, tuăn ngoâ dêi kuăn pơlê Việt Nam.

Tơdroăng pơkâ kố xuân pơkâ mơ’no mâu hnoăng cheăng, troăng hơlâ môi tiah mơnhông, pro kế kâ, tơtro ƀă kơchơ mơdró; ‘no liăn cheăng mơjiâng pro hngêi trăng troăng klông kum ăm tơdroăng ki pro kế kâ.

Katarina Nga tơplôu  ƀă tơbleăng