VOV4.Sêdang - Klêi séa ngăn hlá mơ-eá dêi Vi ƀan tâ phĭu rah xo kăn kong pơlê Dak Lak, Hô̆i đong tâ phĭu dêi tơnêi têa hiăng  ăm pro 14 kơpong tâ phĭu tung kong pơlê tơkŭm tâ phĭu rĕng tâ hdrối 1 hâi tâng vâ pơchông ƀă hâi pơkâ (tơkéa vâ tối a hâi lơ 22/5) ai: 7 đông mố đô̆i a drô troăng tơkăng kong, Khu pêi cheăng kâ dêi mô đô̆i gak tơkăng kong 737, tiêuh đoân hriâm ‘na cơ động kơxô̆ 19, Tiêuh đoân 303 dêi Tíu xiâm 584, kơ koan lêng tơring Ea Súp ƀă Đăi đô̆i Ƀộ ƀinh dêi kơpong tâ phĭu kơxô̆ 9 cheăm to cheăm Čư Mlanh, tơring Ea Sup, Kŏng an tơring Ea Sup ƀă kơ koan kŏng an kong pơlê.

Mô đô̆i gak tơkăng kong dêi kong pơlê Dak Lak lăm séa ngăn utâi utá

Vi ƀan tâ phĭu rêm râ hiăng mơdêk pêi tơdroăng cheăng hnê tối ‘na hâi tâ phĭu hdrối tâ, pê klêi tơdroăng tơbleăng mơhno, xĭng xoăng, rơ-nuâ pro lĕm a mâu tíu tâ phĭu, hbrâ tŭm tâi tâng mâu tơmeăm 'na kih thuât vâ xúa tung hâi tâ phĭu tro tiô pơkâ ƀă tro tiô luât tâ phĭu.

Dak Lak ai 73 km troăng tơkăng kong achê ƀă kong têa Kul. Vâ tơniăn ăm hneăng tâ phĭu, khu mố đô̆i gak tơkăng kong, kŏng an thế châ rĕng tâ phĭu hdrối vâ rĕng pêi hnoăng cheăng hlối gak ngăn kong hlối hbrâ mơdât pơreăng COVID-19.

Gương tơplôu ƀă tơbleăng