VOV4.Sedang - Vi ƀan kong pơlê Dak Lak nếo ai pơkâ ‘na tơdroăng pơcháu nhên pơkâ kơxô̆ liăn mơ’no mơnhông mơdêk ing kơxô̆ liăn kong pơlê xing xoăng ăm pêi pro Tơdroăng pơkâ xiâm tơnêi têa mơjiâng thôn pơlê nếo, pơkâ pêi hơnăm 2021. Pơtối mê, tâi tâng kơxô̆ liăn châ mơ’no cho 180 rơtal liăn. Vi ƀan kong pơlê pơcháu mâu tíu cheăng ki tơdjâk pêi pro pơkâ kơxô̆ liăn rak tơniăn tiô pơkâ pêi dêi tơdroăng mơjiâng thôn pơlê nếo.

Vi ƀan mâu tơring, pơlê kong krâm, pơlê kong kơdrâm ngăn tiô kơxô̆ liăn châ xing xoăng mơ’no cheăng ƀă hô sơ tơmeăm châ kĭ ăm pêi pro tiô pơkâ nhên kơxô̆ liăn vâ pêi pro rêm tơdroăng tơkêa bro. Mâu khu mơ’no liăn cheăng ngăn tiô kơxô̆ liăn vâ xing xoăng, mơhnhôk tơdroăng ki veăng dêi kuăn pơlê vâ po rơdâ pêi pro ƀă mơhá kơxô̆ liăn tro tiô pơkâ.

A Sa Ly tơplôu ƀă tơbleăng