VOV4.Sêdang - Ô vâi krâ nho\ng o [a\ pú hmâ! Pơla hdrối kố nah, tơdroăng ki kong tôu mơdrăng ton, kong pơlê Dak Lak pơxiâm mot tung rơnó mê khía mơhot, têa kân lân lu châ tối tơbleăng hdrối, ôh ti tơniăn. Mâu khu râ, kơvâ cheăng [ă kuăn pơlê akố dế ối hbrâ mâu tơdroăng ki kal vâ hbrâ ví xía vâ [ă kong mêi khía mơhot têa kân lân lu. Tơbleăng tối dêi khu chêh hlá tơbeăng cheăng tung Rơ’jiu Việt Nam a Tây Nguyên ai mơnhên ‘na tơdroăng mê.

Plong chêk chăng ‘na kố ‘na tá tơkâ têa mơ’nok hiu tiô têa djâ ngin tơkâ têa kroăng Krông Ana tơkâ cheăm Ea Trul, tơring Krông Bông, kong pơlê Dak Lak. Ngế ki vo plong cho ngoh Lê Văn Đấu, ối a thôn 2, cheăm Ea Trul, ăm ‘nâi, plong ki kơtâu [a\ kơmăi [a\ mâu ếo klê têa a pêng têa kố xua {ơrô kan sat pơkuâ rak tơniăn troăng prôk [a\ rơxế kơtâu Ko\ng an kong pơlê Dak Lak nếo hơhbru ăm kuăn pơlê vâ tơkâ têa kroăng tơniăn tung rơnó mêi: Drêng pơcháu ăm plong kố mê mâu ngoh hiăng hnê mơhno ngin túa vo plong tơniăn drô têa kroăng, xuân môi tiah tơdroăng tơdah hnê mơhno kuăn pơlê tơkâ têa kroăng tơniăn.

            A kơpong ki ối a kơpong a’nâi dêi tơring Krông Bông, hơnăm ki lâi cheăm Ea Trul xuân tro têa kân lân lu a 5 thôn drô têa kroăng Krông Ana, [a\ vâ chê 100 rơpo\ng ki tơdjâk. Tá khu râ kăn pơkuâ [a\ kuăn pơlê đi đo ‘nâi hbrâ ví kong prâi pro ôh tá tơniăn, xua mê, a pơlê kố ôh tá ai mơngế hlâ drêng têa kân lân lu. Poâ Phan Xuân Hoá, kăn pho\ hnê ngăn Vi[an cheăm Ea Trul, tơring Krông Bông, tối: Ngin hiăng hbrâ rơnáu 2 toăng tuk, drêng ai têa kân lân lu, mê xe\n kuăn pơlê troh kơpong kong ngo, mê cho ăm ối a hngêi trung râ má péa [a\ a hngêi trung râ má môi akố. A rơnó mêi têa kân lân lu ngin đo đo tơbleăng ăm kuăn pơlê ‘nâi ‘na tơdroăng têa kân rơlêa, ôh tá ăm vâi o ki ối ku\n lo drô têa kroăng [a\ mâu rơpo\ng đi đo to plong; ngin rơtế [a\ khu ki pơkuâ mâu thôn xuân đi đo séa ngăn, mơhnhôk kuăn pơlê thế pêi pro tơtro ‘na rak tơniăn.

Rak tơniăn tơdroăng chô mơngế [ă plong tơkâ Ea Trul tung rơnó mêi hngê

A kong pơlê Dak Lak, tô tuăn má môi cho tơdroăng rak tơniăn a mâu rơchoâ, long hno têa tung rơnó mêi têa kân lân lu. Nôkố kong pơlê ai 317 rơchoâ long hno têa hiăng tơ’nhiê ó. Hdrối nah, tâi tâng mâu rơchoâ hno kố châ pơcháu ăm khu râ kăn pơlê cheăm pơkuâ, xua ôh tá tu\m kăn [o# cheăng, xua mê pơkuâ ôh tá tro. Sap apoăng hơnăm troh nôkố, Vi[an kong pơlê Dak Lak hiăng pơkâ pơcháu tâi tâng ăm Ko\ng ti pơkuâ [a\ xúa tơtro mâu rơchoâ long hno têa, Ko\ng ti hiăng mơ’no lối 10 rơtal rơnêu mâu rơchoâ long hno ki tơ’nhiê ó, tơdrêng amê mơjiâng túa cheăng nhên vâ tơtro, to\ng kum tơdrêng drêng kong mêi têa kân lân lu. Poâ Lê Gia Dậu, kăn pơkuâ Ko\ng ti pơkuâ rơchoâ long hno têa kong pơlê Dak Lak, ăm ‘nâi: Drêng tơdah pơkuâ rơchoâ long hno têa, mê ngin hiăng rơnêu tâi tâng on tơhrik dêi mâu tíu kơmăi hrik mơ’no têa, rơnêu mâu hno têa ki tơ’nhiê. Mâu kế tơmeăm khoăng xua kuăn pơlê pơcháu vâi ôh tá kui tah trâp, mê ngin thế kui tah trâp tâi tâng. Mê troh nôkố ngin hiăng rơnêu kêi đeăng, Ngin mơjiâng túa hbrâ ví têa kân lân lu, veăng kum cheăng ai khu râ kăn pơkuâ sap ing râ thôn cheăm [a\ tơring; thế đi đo ai ngế gâk ngăn plâ hâi plâ măng tung rơnó kong mêi, khía pê têi. {a\ mâu rơchoâ long hno têa ki têa plế ó, túa pêi chea\ng ngin ôh tá ăm têa toăng a tíu ki mơ’no têa plế, thế pro tơdrêng vâ hbrâ ví tơdroăng trâm xâu xía. {a\ mâu tíu mơ’no têa plế, thế pêi cheăng tiô pơkâ drêng mơ’no têa plế, túa pơkâ tung mơ’no têa plế dêi rơchoâ long hno têa.

            Rơtế [a\ tơdroăng rak tơniăn rơchoâ long hno têa, mâu thôn cheăm, tơring tung kong pơlê Dak Lak hiăng séa ngăn, hbrâ tu\m mơngế pêi cheăng, rơxế, kơmăi kơmok [a\ hía hé, [a\ túa cheăng 4 tơdrêng hbrâ ví ahdrối kong mêi têa kân lân lu. Kong pơlê tơ’nôm túa pơkâ tơru\m pơla mâu kơ koan cheăng tung tơdroăng cheăng kố, ki má lối cho tơbleăng, tối tơdroăng kong prâi pro ôh tá tơniăn [a\ rêm kơpong, [a\ thăm pơtâng tối vâ kuăn pơlê đi đo kơchăng. Dak Lak xuân thăm pêi pro 6 tơdroăng tơkêa pro xe\n kuăn pơlê, xe\n vâ chê 800 rơpo\ng lo mâu kơpong ki tơ’lêi têa rơlêa, tơhnah tơhnâp, têa kân lân lu đi đo [a\ hía hé. Kơvâ pơkuâ ngăn ‘na pêi chiâk deăng re\ng mơjiâng hâi khế pêt kế tơmeăm khoăng vâ mâu pơlê hbrâ pêt kế tơmeăm khoăng vâ kơdroh tro lu\m xua kong prâi pro ôh tá tơniăn.

Séa ngăn ‘na tơdroăng pơkuâ rak tơniăn rơchôa têa 

            Tiô tơbleăng dêi kơvâ pơtâng tối hyôh kong prâi, rơnó mêi hơnăm kố a kong pơlê Dak Lak kô ôh tá tơniăn: apoăng rơnó kong mêi iâ, laga troh mơ’nui rơnó dâng a khế 9, khế 10, kong mêi hên, kong mêi kân. Poâ Mai Trọng Dũng, kăn pho\ pơkuâ ‘na pêi chiâk deăng mơnhông mơdêk thôn pơlê Dak Lak, tối ‘na tơdroăng hbrâ ví dêi pơlê ahdrối rơnó mêi: ‘Nâi tơdroăng ki kong prâi pro kô ôh tá tơniăn môi tiah mê, xua mê Vi[an kong pơlê hiăng hnê mơhno mâu khu râ thâ po rơdâ tơdroăng hbrâ ví kơdroh tro lu\p xua kong prâi pro: nhên khât séa ngăn, khu hnê mơhno hbrâ ví kong prâi pro ôh tá tơniăn [a\ ti tăng mâu ngế hliăng tiâ mâu khu râ, [a\ troh nôkô mê mâu khu râ, ki rơhêng vâ tối cho râ tơring, hiăng mơjiâng mâu túa cheăng hbrâ ví kong prâi pro ôh tá tơniăn ăm rêm kơpong; klêi mê, pêi pro tơtro tơdroăng hbrâ ví  tiu 4 túa tơdrêng. Pak^ng mê, tơku\m po pơtâng tối hnê mơhno kuăn pơlê hlê ple\ng mâu tơdroăng ki mê dêi kong prâi pro ôh tá tơniăn vâ hbrâ ví, pro tiah lâi vâ kơdroh tro lu\p xua kong prâi pro ôh tá tơniăn.

A Sa Ly tơplôu