VOV4.Sêdang - Kơmăng lơ 30/5, pôa Nay Phi La, Ngế pơkuâ ngăn pơkeăng ƀă khăm pơlât kong pơlê Dak Lak tối pơtâng, a kong pơlê kố hiăng ai 1 ngế dương tính ƀă virus SARS CoV-2. Mê cho ngế kơdrâi ối a thôn 7, cheăm Čư̆ Mốt, tơring Ea H’Leo, kong pơlê Dak Lak. Ngế ki kố rơtế ối tơchoâm veăng mung ối pơtân ƀă ngế ki tâ COVID-19 a pơlê krâm 12, Pơlê kong kân Hồ Chí Minh. Nâ to rơxế chơ tơmối vêh a thôn 7, cheăng Čư Mốt a 6h kơxo lơ 26/5/2021.

Xôh pơkeăng kơdê pơreăng a kơpong rơpŏng ngế ki tâ pơreăng

Ing hâi lơ 26 troh lơ 29/5 gá hiăng trâm tơpui ƀă hên ngế a cheăm pơlê. Kơxo lơ 30/5 ngế ki kố châ vâi djâ klâ krê tơchoâm a hngêi trung Cao đẳng Công nghệ Tây Nguyên ƀă khăm ngăn mơheăm ga hlo dương tính virus SARS CoV2. Tung kơmăng lơ 30/5, kong pơlê Dak lak hiăng hôp tơdrêng tơbleăng tơdroăng klâ krê kơpong ai ngế ki mê ối ƀă klâ krê mâu ngế ki achê ƀă nâ. Pakĭng mê hlối tăng mâu ngế F1 ƀă F2.

Vi ƀan hnê ngăn kong pơlê Dak Lak xuân thế pơtê ‘nôi tơdroăng ăm rơxế ô tô  chơ tơmối ki tiô pơkâ hmâ chơ, xơrế thế chơ, rơxế taxi, rơxế lăm ôm hyô ing Dak Lak ngi mâu Pơlê kong kân Hồ Chí Minh, kong pơlê Bắc Ninh, Bắc Giang  ƀă lo ing mâu tíu mê troh a Dak Lak 0 chôu hâi lơ 31/5/2021.

Gương tơplôu ƀă tơbleăng