VOV4.Sêdang - Tiô ăm ‘nâi ing Khu hnê mơhno hbrâ mơdât COVID-19 kong pơlê Dak Lak, tung hâi lơ 2/8, lâp tung kong pơlê tối ai tơ’nôm 25 ngế nhôm tâ tú SARS- CoV-2. Ai 18 tung tâi tâng kơxô̆ 25 ngế tâ COVID-19 a Dak Lak tối tâ tú tung hâi ki mê xiâm tâ tú ing Pơlê kong kân Hồ Chí Minh ƀă kong pơlê Bình Dương. 6 ngế châ ‘nâi tâ tú a tung kơpong klâ krê. Kố cho mâu ngế F1 dêi mâu ngế ki hiăng ‘nâi tâ tú hdrối mê a tơring Buôn Đôn, Pơlê kong krâm Buôn Hồ ƀă pơlê kong kơdrâm Ƀuôn Ma Thuột.

Hnoăng cheăng séa ngăn dêi mâu ngế ki klâốikrê a hngêi châ mâu ki ai tơdjâk pêi pro đi đo a DakLak

Xuân tung hâi ki mê, Dak Lak ai 1 ngế tâ tú ối a kơtâu 3, thôn 12, cheăm Ea Kmut, tơring Ea Kar, cho ngế vê rơxế kân dêi Kŏng ti Bưu chính viễn thông Con đường xanh, cho ngế chơ tơmeăm pơtroh kơthô. Ngế ki kố hâi ‘nâi xiâm gá tâ tú ulâi xua xiâm pơreăng gá prôk troh hên kơpong tâ tú môi tiah  Ninh Thuận, Bình Thuận, Phan Thiết, Pơlê kong kân Hồ Chí Minh, Đà Nẵng, Gia Lai.

Tiah mê, riân troh 17h lơ 2/8, kong pơlê Dak Lak hiăng ai 265 ngế yương tĭnh ƀă SARS -CoV-2, tung mê dế pơlât 258 ngế, 7 ngế hiăng prêi ôh tá ai ngế hlâ.

Nhạc cắt -sau số 4

Gương tơplôu ƀă tơbleăng