VOV4.Sêdang -  Jâ H’ Yim Kđoh, Kăn phŏ hnê ngăn Vi ƀan kong pơlê Dak Lak nếo kĭ pơkâ tơdroăng xĭng xoăng phái kum ăm kuăn pơlê ki kơklêa tung pơla rơnó báu vâ chê tum hơnăm 2021. Ing mê, lâp tung kong pơlê châ xĭng xoăng ăm lối 854 tâ̆n phái xua Chin phuh ăm xo ing phái ‘măn kơdĭng ăm kuăn pơlê ki kơklêa tung rôh kố. 13 to kong pơlê châ xo phái mê cho mâu tơring: Ƀuôn Đôn, Čŭ Mgar, Ea Kar, Ea Súp, Ea H’leo, Krông Ana, Krông Bông, Krông Ƀúk, Krông Năng, Krông Păč, M’Drak, Lak ƀă pơlê krâm Ƀuôn Hồ.

Vi ƀan kong pơlê pơcháu ăm Khu xiâm ngăn mô đô̆i rong ƀă pơlê pơla pơkuâ, hneăng hôp ƀă Khu rak ‘măn dêi Tơnêi têa a kơpong peăng Hdroh Tây Nguyên, mâu kơvâ cheăng ki tơdjâk troh tơkŭm pơcháu ăm mâu kong pơlê tơbleăng xĭng xoăng phái teăm tơdrêng, tro tiô pơkâ. Tơdroăng tơkŭm pơcháu xo ƀă ăm, thế tơmâng rak tơniăn ‘na tơdroăng plâ mơdât pơreăng COVID-19.

Gương tơplôu ƀă tơbleăng