VOV4.Sêdang - Pêi pro hnê mơhno dêi Chin phuh ‘na tơdroăng ki hbru phái sap ing phái ‘măn kơdĭng dêi tơnêi têa kum ăm kuăn pơlê ki tro tơdjâk xua pơreăng COVID-19 hơnăm 2021, sap ing hâi lơ 23 troh 29/8, Khu rak ngăn Tơnêi têa kơpong peăng hdroh Tây Nguyên tơbleăng hbru lối 1.100 tâ̆n phái ăm lối 73 rơpâu ngế kuăn pơlê a péa to kong pơlê Dak Lak ƀă Dak Nông.

Hbru vâ chê 1.200 tâ̆n sap ing kơxô̆ phái ‘măn kơdĭng dêi tơnêi têa kum vâ ăm vâ chê 73 rơpâu ngế kuăn pơlê ki tro tơdjâk xua pơreăng COVID-19 a Dak Lak ƀă Dak Nông

Tiah mê, mâu ngế ki châ tŏng kum mê cho mâu ngế ối tung rơpŏng kơtiê, rơpŏng vâ chê kơtiê, rơpŏng ki ai troăng hơlâ tŏng kum, mâu ngế ki ai hnoăng, mâu ngế pêi cheăng ôh tá ai cheăng pêi xua tơdjâk dêi pơreăng COVID-19 a 11 to tơring dêi kong pơlê ƀă 8 tơring, pơlê kong kơdrâm dêi kong pơlê Dak Nông. Rêm pơ’leăng mâ mơngế châ xo 15 kg phái. Tơdroăng ki hbru phái châ pêi pro a tíu pêi cheăng Vi ƀan hnê ngăn mâu cheăm, bêng, pơlê kân.

Katarina Nga tơplôu ƀă tơbleăng