VOV4.Sêdang - Nếo kơxo hâi má 3 pơtê klâ kơtăn pơlê pơla tiô hnê mơhno xô̆ 16, pơ’lêh pêi pro tiô xô̆ 15, hâi lơ 17/8, pơlê kong kơdrâm Ƀuôn Ma Thuột tối ai môi tíu hên ngế tâ COVID-19 tung kuăn pơlê, tung mê ai 7 ngế yương tĭnh ôh tá ‘nâi xiâm tâ tú ulâi. Ngế ki apoăng tối ‘nâi a khu pú hên mê cho pôa T.Q.A, kot mâ hơnăm 1968, ối a 174 Thủ khoa Huân, bêng Thành Nhất, pơlê kong kơdrâm Ƀuôn Ma Thuột.

Dak Lak: châ ‘nâi ai hên ngế nếo tâ pơreăng a pơlê kong kơdrâm Ƀuôn Ma Thuột

Klêi séa ngăn tơdroăng ‘na pôa, ing lơ hâi 1/8 tá troh lơ 15/8, pôa S hiăng prôk hên tíu môi tiah: pôu hngêi pú hmâ a ƀuôn Cô Dung, cheăm Ea Ñuôl, tơring Ƀuôn Đôn troh a tíu trêng têa kơxăng troăng Nguyễn Thị Định, bêng Thành Nhất, hẻm 139 Thủ Khoa Huân. Nôkố mâu kăn ƀă bêng pơlê kong kơdrâm kong pơlê ƀă kơvâ ngăn pơkeăng dế pơtối po rơdâ, hdró kơpong, séa ngăn, tí tăng troăng mâu ngế ki tơdjâk troh 6 ngế nếo tối kơpêng tung kuăn pơlê.

Hâi ki prôk, lăm pôu nhŏng o dêi ngế F0 nếo châ ’nâi ki hên cho tung pơla pơlê kong kơdrâm dế pơkâ klâ krê, rêm ngế ôh tá chiâng lo dêi ing hngêi tâng ôh tá ai tơdroăng kal păng ‘nâng.

Gương tơplôu ƀă tơbleăng