VOV4.Sêdang - Kơmăng lơ 25/4, khu lêng mố đo#i gak tơkăng kong dêi kong pơlê Dak Lak hiăng châ hlo ƀă klâ ăm ối krê tơdrêng ƀă 13 ngế kuăn pơlê ki vêh ing Kul. 13 ngế ki kố cho mâu kuăn pơlê ki rêh ối a tơring Ea Súp, prôk kong têa Kul pêi cheăng kâ. Drêng pơreăng COVID-19 xông tâ tú a Kul ƀă hlo ôh tá tơniăn, khu ngế ki kố hiăng vêh ngi Việt Nam ing troăng tơkăng kong Việt Nam – Kul.

Môi tíu ki gak ngăn a tíu tơkăng kong Ia Rvê – Dak Lak

A 12 chôu măng dế kơmăng hâi lơ 24/4, drêng khu ki kố nếo mot tung tơnêi tơníu tơnêi têa pin hiăng tro khu lêng mố đo#i gak tơkăng kong Ia Rve, tơring Ea Súp lăm pơtrui châ hlo. Klêi mê, tâi tâng 13 ngế ki kố hiăng châ pơtroh a tíu ki klâ ăm ối krê tơkŭm a tíu xiâm ngăn pơkeăng pơlât tơring Ea Súp vâ pâk xo mơheăm séa ngăn. Klêi pâk séa ngăn dêi Tíu xiâm Séa ngăn pơreăng châi tamo kong pơlê kong măng lơ 25/4 ăm hlo, tá 13 ngế ki kố hiăng âm tĭnh ƀă SARS-COV-2 rôh 1.

Katarina Nga tơplôu ƀă tơbleăng