VOV4.Sêdang - Khu hnê mơhno mâu tơdroăng pơkâ xiâm tơnêi têa kong pơlê Dak Lak tối ăm ‘nâi, kơxô̆ liăn vâ pêi pro tơdroăng pơkâ xiâm tơnêi têa mơjiâng thôn pơlê nếo hơnăm kố tiô tối hdrối dâng 5.580 rơtal liăn. Tung mê, kơxô̆ liăn tơnêi têa 980 rơtal liăn; kơxô̆ liăn mơhnhôk 240 rơtal liăn; kơxô̆ liăn pêi pro ƀă tơdroăng ki ê 1.960 rơtal liăn, ki ê cho kơxô̆ liăn mung.

Kuăn pơlê mơjiâng pro troăng thôn pơlê a tơring Krông Năng – Dak Lak

Hơnăm 2021, lâp kong pơlê mơ-eăm rak ki hôm mâu cheăm châ plah thôn pơlê nếo, tiô pơkâ ai 71 cheăm châ plah thôn pơlê nếo. 6 to cheăm châ plah thôn pơlê nếo ki mơdêk hôm tâ; ôh tá ai cheăm pá kơdâm 7 túa pơkâ cheăng… Châ ‘nâi, tung hơnăm 2020 pơla kố nah, tâi tâng kơxô̆ liăn pêi pro tơdroăng pơkâ tơnêi têa mơjiâng thôn pơlê nếo dêi kong pơlê Dak Lak châ lối 5.200 rơtal liăn, ƀă hiăng ai 66 cheăm châ plah thôn pơlê nếo.

A SaLy tơplôu [ă tơbleăng