VOV4.Sêdang - Dak Lak dế mot tung rơnó kong tô ó dêi rơnó mơdrăng hơnăm 2020-2021, on tơhrik ki kal vâ mơ’no tâk hên. Xua mê, kơvâ ngăn on tơhrik hiăng hbrâ tơniăn, đi đo  vâ ai on tơhrik mơno tung pêi cheăng dêi kuăn pơlê ƀă khu mơdró. Vâ tơniăn ‘na mơ’no on tơhrik tung rơnó mơdrăng, Kŏng ti hiăng mơdêk tơdjêp ‘na mơ’no on tơhrik, teăng tơdroăng ‘mâi rơnêu ngăn a mâu tíu pơtối tơdjêp ki oh tá tơniăn, riên ngăn hdrối, riên nhên mâu tíu ki mơ’no mê tiô kơ rơnó, malối a mâu kơpong ki kal hrik têa vâ mơjiâng troăng hơlâ mơ’no on tơhrik tơtro tiô tơdroăng puí vâ hrik têa tôh mâu loăng plâi vâ mơjiâng pơkâ mơ’no on tơhrik ăm tơtro, ai tiô púi bâ, đi đo lăm ngăn mâu troăng kơxáu tíu ‘măn kơmăi on tơhrik. Ƀă mâu tíu pêi cheăng  dêi kŏng ti hiăng mơdêk hnoăng cheăng seá ngăn  tíu tơdjêp hrik mơ’no a mâu kơmăi tung kong pơlê vâ ai troăng hơlâ pơkâ pro ăm tơdâng teăm ƀă hbrâ kơmăi ki hrik mơ’no vâ tơniăn ‘na mơno on tơhrik, đi đo ăm mâu ngế ki kal vâ xúa tung kơpong.

Gương tơplôu ƀă tơbleăng