VOV4.Sêdang - Mâu tíu pêi cheăng, kơvâ cheăng, mâu kăn kong pơlê pro tơniăn mâu tơdroăng ki kal vâ rôh tơ’noăng mơdêi râ má pái phôh thong a Dak Lak po tơniăn, kơtăng, tro tiô pơkâ ƀă pro tơ’lêi hlâu má môi ăm hok tro, malối tung pơla ai pơreăng COVID-19 dế tâ tú rơ-iô, kố cho tơdroăng châ tối nhên a roh hôp Khu hnê mơhno tơ’noăng mơgêi hriâm râ má pái phôh thong hơnăm 2021 a Dak Lak ai lối 19 rơpâu 800 ngế chêh inâi tơ’noăng a 32 tíu tơ’noăng, tung mê, ai lối 830 veăng tơ’noăng.

Dak Lak hbrâ pêi pro mâu tơdroăng pơkâ tơkŭm tơ’noăng hok tro mơgêi hriâm râ má pái phôh thong ăm mâu hok tro F1, F2

Troh nôkố, lâp tung kong pơlê tối ai 2 ngế hok tro F1 ƀă 39 ngế hok tro F2, tâi tâng mâu vâi o mê xuân ối a tơring Ea H’Leo. Hlo kơxô̆ hok tro tơ’noăng hên ngế tơdrêng ƀă tơdroăng pơreăng COVID-19 dế tâ tú rơ-iô, Khu hnê mơhno tơ’noăng hiăng thế Khu xiâm ngăn hnê hriâm ƀă hnê tuăn ngôa rơkê tơrŭm ƀă mâu tíu pêi cheăng ki tơdjâk troh, mau kăn kong pơlê tơkŭm tơ’noăng tơniăn, kơtăng, tơƀrê tung tâi tâng mâu tơdroăng tơkŭm po chêh inâi tơ’noăng troh tơdroăng mơnhên plah tơ’noăng râ má pái phôh thong.

Gương tơplôu ƀă tơbleăng