Drêng êng Kăn ngăn ‘na kăn [o# dêi kong pơlê xua ti lâi khoh chiâng trâm hrá ‘na tơdroăng ki rah xo hdroâng mơngế kuăn ngo ki hiăng châ hriâm klêi đăi hok ki châ kong pơlê mơhno\ng rah xo, ing mê, khoh chiâng pro mâu ngế ki kố ôh tá ai cheăng pêi, mê jâ H’Blă Mlô, Ngế kăn teăng mâ kuăn pơlê a pơlê kong krâm {uôn Hồ ai tối tiah kố:

‘’{ă hnoăng cheăng ngin dế nôkố tô tuăn ó ‘nâng tung hnoăng cheăng dêi tơná la ôh tá châ pêi pro tro hnoăng cheăng ki lâi. Ki má péa nếo, vâ ‘mâi rơnêu túa cheăng, ăm hriâm mâu lâm ki tơpui leăng tơdroăng cheăng kal kí mâu vâi o xuân ôh tá châ hlo ai tơdroăng kum ki klâi, ngin tơmiât ti lâi kong pơlê, tơnêi têa kal athế ai troăng hơlâ to\ng kum rah xo tơ’mot cheăng ăm vâi o, vâi muăn ai hnoăng cheăng tơniăn, vâ ga krá tơniăn ton tung la ngiâ’’.

Pôa Y Sy Thắt Ksơr ai êng a roh hôp

Tiâ mơnhên tơdroăng ki êng kố, pôa Miên Klơng, Kăn pơkuâ ngăn ‘na kăn [o# dêi kong pơlê Dak Lak tối ăm ‘nâi: Sinh viên klêi hriâm đăi hok ki châ tơnêi têa mơhno\ng rah xo hriâm kal athế pơtối tơ’noăng ko\ng chưk nếo, viên chưk nếo tro tiô Luât pơkâ ‘na hnoăng cheăng kăn [o#, ko\ng chưk [ă Luât viên chưk, ôh tá xê klêi hriâm hnối tơ’mot tơdrêng tơdroăng cheăng [ă xing xoăng hnoăng cheăng klêi kơ’nâi hiăng mơgêi hriâm hngêi trung môi tiah hdrối nah.

‘’Sap ing ai tơdroăng pơkâ kơxo# 134 dêi Chin phuh, klêi mê, Chin phuh ai pơkâ tơdroăng 49, tiô tơdroăng ki ‘mâi hơ’lêh dêi pơkâ kơxo# 134 ai chêh tối nhên: [ă mâu ngế ki châ rah xo ăm hriâm cho kuăn muăn, cháu chái hdroâng kuăn ngo klêi kơ’nâi lo ing hngêi trung athế tối tơbleăng tơdroăng ki séa ngăn lơ tơ’noăng. {ă hnoăng cheăng râ kơpêng pơcháu, mê Khu ngăn ‘na hnoăng cheăng kăn [o# dêi kong pơlê hiăng tối tơbleăng ăm Vi [an hnê ngăn kong pơlê vêh séa ngăn, ôh tá lôi mơhrâm kơxo# mơngế ki hiăng châ rah xo ăm tơ’mot hriâm mê.

Dế nôkố, ngin dế tối tơbleăng ăm Vi [an hnê ngăn kong pơlê hbrâ mơjiâng Ho#i đong ki séa mơnhên ngăn vâ rah xo mơngế ki tơxâng, châ mot pêi cheăng. Tung la ngiâ kố ah, ngin kô pêi klêi hnoăng cheăng ki kố. Dế kố, [ă kong pơlê Dak Lak ối pá 6 ngế’’.

Pôa Y {iêr Niê, Kăn hnê ngăn Ho#i đong kong pơlê tơpui mơgêi roh hop

Tơdjâk troh tơdroăng ki veăng kum mơnhên xing xoăng tơnêi ối, tơnêi pêi chiâk deăng ăm hdroâng kuăn ngo ki iâ mơngế a kong pơlê, mê pôa Y Sy Thắt Ksơr, kăn teăng mâ dêi tơring {uôn Đôn ai tối:

‘’Dế nôkố, xua tơdroăng uân klâ rơpo\ng hngêi tung pơlê cheăm dêi hdroâng kuăn ngo rế hía tâk rế hên, xua ti mê, kơxo# mơngế ki kal ‘na tơnêi tíu pêi chiâk pêi deăng xuân cho tơdroăng ki kal khât, kal athế châ to\ng kum tơdrêng hlối.

A tơring {uôn Đôn tối krê, mâu tơring ki ê tung lâp kong pơlê tối tơdjuôm dế trâm ai hên ‘na tơdroăng ki kố, pin xuân tá hâi teăm ai troăng hơlâ ki tơchuôm, ki nhên ăm tơdroăng kố. {ă hnoăng cheăng cho tíu ki tối tơbleăng ăm Vi [an hnê ngăn kong pơlê, Khu ngăn ‘na tơmeăm khoăng, têa tơnêi - Hyôh kong prâi hiăng ai troăng hơlâ ki lâi vâ veăng kum ăm tơdroăng ki kố’’.

Tiâ mơnhên rơkong kơ-êng dêi pôa Y Sy Thắt Ksơr, mê pôa Bùi Thanh Lam-Kăn pơkuâ ngăn ‘na tơmeăm khoăng, têa tơnêi - hyôh kong prâi dêi kong pơlê tối ăm ‘nâi, pêi pro tiô troăng hơlâ xing xoăng tơnêi ối, tơnêi pêi chiâk deăng ăm hdroâng kuăn ngo ki iâ mơngế, kong pơlê Dak Lak hiăng kum ăm lối 5 rơpâu 500 [ă kơxo# tơnêi vâ chê 145 ha, tơnêi pêi chiâk deăng ăm lối 7 rơpâu 700 rơpo\ng [ă kơxo# tơnêi lối 2 rơpâu 700 ha.

Pak^ng mê, Vi [an hnê ngăn kong pơlê hiăng mơ’no hên tơdroăng pơkâ pêi pro tiô troăng hơlâ ki krê xêh vâ veăng kum mơdêk pêi cheăng kâ-rêh ối pơlê pơla ăm hdroâng kuăn ngo [ă kong ngo pơla sap hơnăm 2017-2020 [ă tâi tâng kơxo# rơpo\ng hdroâng kuăn ngo ki rêh ối hiăng ton hơnăm ki ôh tá ai tơnêi ối, tơnêi pêi chiâk deăng, mê ai lối 17 rơpâu 400 rơpo\ng, kơxo# tơnêi ki kal vâ xing xoăng mê lối 5 rơpâu 700 ha. {ăng tơnêi ki vâ kum ăm kuăn pơlê ối, pêi chiâk deăng a kơpong ki ôh tá ai tơnêi ối, tơnêi pêi chiâk cho xo ing tơdroăng ki ối rơlối, lơ tơvêh mơdrếo ing mâu tiu pơkuâ ngăn chiâk deăng, tro tiô tơdroăng pơkâ kơxo# 118/2014 dêi Chin phuh.

Dế nôkố, Vi [an hnê ngăn kong pơlê hiăng pơcháu ăm Vi [an mâu tơring, pơlê kong krâm, pơlê kong kơdrâm vêh séa mơnhên ngăn, tí tăng ‘nâi mâu tơdroăng ki a mâu pơlê cheăm tá hâi teăm ai.

Mơgêi roh êng mơnhên mê, pôa Y {iêr Niê, Kăn hnê ngăn Ho#i đong kong pơlê hiăng tơmâng xo [ă mơnhên tối ‘ló tro khât tơdroăng êng tiâ dêi mâu kăn Ho#i đong hnê ngăn kong pơlê. Tơdrêng amê, pâ thế Vi [an hnê ngăn kong pơlê [ă mâu khu râ, kơvâ cheăng ki ai tơdjâk troh kal athế pêi pro tơdrăng, tơleăng mơnhên [ă tăng troăng hơlâ ki tơtro vâ tiâ tối tơleăng ăm mâu kăn. Mâu khu hnê mơhno dêi Ho#i đong kong pơlê hiăng tơmâng ngăn [ă séa mơnhên tơdroăng ki pêi pro tiô tơdroăng êng tiâ ‘na hnăng cheăng êng tiâ a hneăng hôp Ho#i đong hnê ngăn vâ ga châ tơ-[rê, ai pơxúa khât.

Hương Lý chêh

Nhat Lisa tơplôu [ă tơbleăng