Hơnăm 2011, cheăm Dliê Yang, tơring Ea Hleo bu nếo châ 4 tung 19 tơdroăng pơkâ mơjiâng thôn pơlê nếo. Laga, bu klêi kơ’nâi 6 hơnăm, hơnăm 2017 Dliê Yang hiăng châ kong pơlê Dak Lak mơnhên cheăm pêi klêi tơdroăng pơkâ ‘na mơjiâng thôn pơlê nếo. Kuăn pơlê hiăng veăng kum vâ chê chât rơtal liăn vâ mơjiâng hngêi trăng, troăng klông. Bu krê to ‘na troăng prôk, lâp cheăm hiăng mơhnhôk châ 4 rơtal 500 rơtuh liăn vâ ok [ê tong ai 23 km troăng prôk tung thôn pơlê.

Vi [an hnê ngăn kong pơlê Dak Lak diâp {âng khe\n kơdeăn ăm khu pú hên, mâu ngế krê kơhnâ rơkê hnê mơhnhôk

Tá hâi teăm riân troh kơxo# liăn ki vâi krâ nho\ng o a mâu thôn, pơlê veăng kum tơlo vâ mơjiâng pro mơhno mâu túa le\m tro, hngêi pơkeăng cheăm, troăng kơxái on tơhrik.

Pôa Ksơr Y Thông, Kăn hnê ngăn cheăm Dliê Yang tối ăm ‘nâi: Kơnôm ing vâi krâ nho\ng o tung cheăm ôh tá la lâi pơtê mơdêk. Hơnăm 2011 pêi lo liăn môi ngế bu châ 12 rơtuh liăn tung môi hơnăm mê troh nôkố hiăng tâk troh 31 rơtuh liăn. Cheăm Dliê Yăng châ tơdroăng ki kố, cho ai tơdroăng veăng kum dêi pôa Ksơr Y Thông, môi ngế ki djâ troăng ahdrối ‘na Hnê mơhnhôk rơkê dêi kong pơlê Dak Lak:

‘’Kơnôm pêi pro tro hnoăng hnê mơhnhôk, tung pơla hdrối kố nah tơdroăng ki mơ-eăm pêi cheăng kâ dêi mâu rơpo\ng kơtiê hlo hiăng hơ’lêh khât, rơpo\ng kơtiê hiăng hlo kơdroh tung mâu hơnăm a chê kố. Hdrối nah, cheăm Dliê Yang cho môi tung mâu cheăm ki xiâm ‘na ôh tá tơniăn kring vế cheăng kal kí, lơ rak tơniăn tung pơlê pơla. Ing tơdroăng ki tối tơbleăng mơhnhôk hnê kuăn pơlê pêi pro ‘’Tâi tâng kuăn pơlê veăng rak vế kring gak Tơnêi têa tung mâu hơnăm mơjiâng thôn pơlê nếo’’. Troh hơnăm 2016, cheăm châ kong pơlê xut tah ing inâi ki ôh tá tơniăn ‘na kring vế tơdroăng kal kí. Tung pơla 6 hơnăm, cheăm Dliê Yang hiăng châ Vi [an hnê ngăn kong pơlê mơnhên hiăng pêi klêi thôn pơlê nếo’’.

Mâu ngế ki djâ troăng ahdrối tung Hnê mơhnhok rơkê trâm mâ a Hneăng hôp Khe\n kơdeăn

Tơring }ư\ Mgar nôkố ai 61/15 cheăm châ mơnhên pêi klêi thôn pơlê nếo. {ă mơ-eăm troh mơ’nui hơnăm 2018, kô ai tơ’nôm pa 4 to cheăm nếo pêi klêi tơdroăng pơkâ. Pôa Nguyễn Văn Minh, kăn pho\ hnê ngăn Vi [an tơring }ư\ Mgar tối: Vi [an hnê ngăn tơring hiăng tơku\m tối tơbleăng mâu tơdroăng pơkâ mơnhông mơdêk cheăng kâ rêh ối tiô túa ki châ tơ-[rê. Tơdrêng amê hnối đi đo tơtro\ng troh hnoăng cheăng Hnê mơhnhôk vâ mơdêk hnoăng pơkuâ dêi kuăn pơlê.

‘’Pêi pro tơdroăng pơkâ dêi Kăn hnê ngăn Vi [an kong pơlê ‘na hnoăng cheăng hnê mơhnhôk khu kăn, Vi [an hnê ngăn tơring hiăng hnê mơhno mâu [ơrô, kơvâ cheăng, Vi [an hnê ngăn mâu cheăm, pơlê kân tơku\m pêi pro tro túa ki hơ’lêh chêh pro hlá mơéa ki xiâm cho hơ’lêh mâu hlá mơ-éa [ă tơdroăng rêh ối dêi mâu kăn [o#, kông chưk. Má péa, cho tơku\m tung tơdroăng ki tơpui kâ [ă kuăn pơlê, vâ re\ng pơkâ tơleăng mâu tơdroăng ki hêng hôu dêi mâu khu tơru\m, mâu ngế krê tơdrêng hlối a rôh tơpui tơno, pôi tá pro ăm ai tơdroăng ki hêng hôu mê ah hnối ai tơdroăng ki pơsăm tối hên ngế, ôh tá tơniăn tung kong pơlê’’.

Tiô pôa Võ Văn Cảnh, kăn pho\ hnê ngăn Vi [an kong pơlê Dak Lak tối, tơdroăng tơ’noăng Hnê mơhnhôk rơkê tung mâu hơnăm hiăng luâ hiăng mơhnhôk kuăn pơlê veăng pêi pro mâu hnoăng cheăng mơnhông mơdêk cheăng kâ rêh ối pơlê pơla. Kơnôm ti mê, tơdroăng cheăng kâ dêi kong pơlê Dak lak pơtối hlo hơ’lêh khât, kơxo# rơpo\ng kơtiê rế hía rế chu kơdroh.

Pak^ng mê, mâu tơdroăng to\ng kum hdroâng kuăn ngo pơtối châ mâu khu râ, kơvâ cheăng tơmâng ngăn tối tơbleăng, pêi pro, kum pro ai pơxúa ‘na hơ’lêh tung tâi tâng mâu kơvâ cheăng rêh ối dêi hdroâng kuăn ngo a kong pơlê Dak Lak.

Pôa Võ Văn Cảnh, kăn pho\ hnê ngăn Vi [an kong pơlê Dak Lak tối:

‘’Hnoăng cheăng hnê mơhnhôk rơkê há lơ ôh mê kuăn pơlê nếo hlê ple\ng tơdroăng ki xiâm, túa pơkâ, ki pơxúa ‘na tơdroăng cheăng pêi dêi tơná. Pơtih, tung tơdroăng thôn pơlê nếo, tơnêi têa cho ngế ki pơkâ ăm troăng hơlâ, hnê mơhno ăm kuăn pơlê, mê kuăn pơlê xuân ối cho hnoăng cheăng ki xiâm, vâi chiâng vâ veăng pleăng [ă châ tơdroăng ki pơxúa ing tơdroăng ki mơjiâng thôn pơlê nếo.

 Ngăn tơdjuôm tung pơla hdrối kố nah, hnoăng cheăng kơdroh kơtiê xuân môi tiah tung tơdroăng ki veăng mơjiâng thôn pơlê nếo [ă mâu kơvâ cheăng ki ê xuân môi tiah tơdroăng veăng kum ăm mơnhông mơdêk cheăng kâ, kring vế pơlê pơla, a tơring, cheăm, tung mê ai tơdroăng ki veăng kum kal khât hnoăng cheăng hnê mơhnhôk, malối cho hnoăng cheăng mơhnhôk dêi khu mâu kơ koan tơnêi têa’’.

A Dak Lak tơdroăng ki tối tơbleăng châ tơ-[rê ‘na tơ’noăng Hnê mơhnhôk rơkê hiăng kum mơdêk hnoăng pro xiâm, ivá ki rơkê ple\ng dêi kuăn pơlê tung mơnhông mơdêk cheăng kâ, mơjiâng tơdroăng rêh ối rế hía rế kro mơdro\ng, ó rơdêi.

Tuấn Anh chêh

Katarina Nga tơplôu [ă tơbleăng