VOV4.Sêdang - Vâ châ tiô pơkâ 30% ngế tơbriât to pro kăn cho kơdrâi chiâng kăn teăng mâ Hô̆i đong kuăn pơlê mâu râ, Khu pơkuâ vâi kơdrâi kong pơlê Dak Lak tơkŭm po Hneăng hôp hnê mơhno mơdêk ivá pêi cheăng ăm vâi kơdrâi roh apoăng tơbriât to pro kăn Hô̆i đong kuăn pơlê mâu râ hneăng hơnăm 2021 – 2026.

Mâu kăn teăng mâ veăng hneăng hôp châ hnê mơhno ‘na tơdroăng tơbleăng kơvâ cheăng, hnoăng cheăng dêi Hô̆i đong kuăn pơlê ƀă kăn teăng mâ Hô̆i đong kuăn pơlê; mâu tơdroăng ‘na cheăng kâ – rêh ối pơlê pơla, khôi túa lĕm tro dêi kong pơlê tung hneăng hơnăm 2016 – 2021, troăng pêi cheăng la ngiâ hneăng hơnăm 2021 – 2026.

Tâ tá hneăng mơhriâm hdrối

Hnê mơhno tơdroăng tŏng kum mơhnhôk tâ phĭu, troăng tơbleăng  tơdroăng pêi cheăng dêi kăn teăng mâ Hô̆i đong kuăn pơlê. Tiô Khu pơkuâ vâi kơdrâi Việt Nam kong pơlê Dak Lak, vâ hbrâ ăm roh tâ phĭu rah xo kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kuăn pơlê mâu râ kong pơlê Dak Lak hneăng hơnăm 2021 – 2026, kong pơlê kô tơkŭm po lâm hnê mơhno a mâu tơring Krông Ana, Ea Hleo ƀă pơlê kong kơdrâm Ƀuôn Ma Thuột, ăm lối 300 ngế vâi kơdrâi roh apoăng veăng tơbriât to pro kăn teăng mâ Hô̆i đong kuăn pơlê mâu râ.

A Sa Ly tơplôu ƀă tơbleăng