VOV4.Sêdang –Hâi lơ 26/3, a pơlê kong kơdrâm Ƀuôn Ma Thuột, Viƀan kong pơlê Dak Lak tơkŭm po hneăng hôp tơpui tơno ‘’Pơhlêh cheăng xúa kơmăi kơmok - Troăng pêi ki xiâm dêi  tơdroăng mơnhông mơdêk’’, veăng amê ai vâ chê 500 ngế kăn teăng mâ ing mâu khu xiâm kơvâ Tơnêi têa ƀă mâu kong pơlê kơpong peăng tơdế tơnêi têa, Tây Nguyên, khu râ kăn pơkuâ mâu kơ koan tíu cheăng dêi kong pơlê ƀă kơdrâm khu tê mơdró, khu tơrŭm cheăng tung ƀă pakong kong pơlê Dak Lak.

Pôa Nguyễn Huy Dũng, Ngế xiâm phŏ pơkuâ ‘na troăng phôn, um tơvi, rơ’jíu ƀă Internet.

 Hneăng hôp ai 1 roh tâi tâng ƀă 2 roh tiô  tơdroăng , rơtâ tá  tơdroăng pơxá: Pơhlêh pêi cheăng xúa kơmăi kơmok ăm khu râ kăn pơkuâ; Pơhlêh pêi cheăng xúa kơmăi kơmok ăm khu tê mơdró ƀă Troăng pơhlêh pêi cheăng xúa kơmăi kơmok tung tơrŭm pơlê pơla tiô troăng xúa kơmăi kơmok. Xông tơpui hnê mơhno a hneăng hôp, pôa Nguyễn Huy Dũng, Ngế xiâm pơkuâ  tơdroăng kal tiô troăng um tơvi, rơ’jíu, phôn ƀă Internet, tối nhên mâu  tơdroăng ki tơ’lêi hlâu ki kơmăi kơmok mơjiâng pro ƀă  tơdroăng mơnhông mơdêk cheăng kâ – rêh ối pơlê pơla, ki rơhêng vâ tối tung pơla ai pơreăng Covid 19 xông tâ tú pơla kố nah. Pôa tối, pói vâ pơhlêh cheăng xúa kơmăi kơmok châ tơƀrê pakĭng mâu  tơdroăng mơ-eăm dêi kăn pơkuâ kal  tơdroăng ki tơdjuôm íva môi hiêm mơno dêi mâu khu tê mơdró.

             Sa Ly tơplôu ƀă tơbleăng