VOV4.Sêdang - Hâi lơ 18/3, Vi ƀan Măt trâ̆n Tơnêi têa Việt Nam kong pơlê Dak Lak tơkŭm po Hneăng hôp tơpui tơno rah xo mâu kăn roh má 2 vâ môi tuăn inâi mâu kăn ki tơbriât to pro kăn teăng mâ Kuô̆k hô̆i hneăng má 15 ƀă mâu ngế ki tơbriât to pro Hô̆i đong kuăn pơlê kong pơlê hneăng má 10 hneăng hơnăm 2021 – 2026.

A hneăng hôp, ƀă tơdroăng môi tuăn, mâu kăn teăng mâ hiăng têk kŏng môi tuăn inâi 12 ngế kăn tơbriât to pro kăn teăng mâ Kuô̆k hô̆i hneăng má 15 ƀă 138 ngế tơbriât to pro kăn teăng mâ Hô̆i đong kong pơlê Dak Lak hneăng la ngiâ.

Dak Lak hôp tơpui tơno rah xo mâu kăn

Ing tơdroăng châ tơƀrê kố dêi hneăng hôp hiăng pơtroh Măt trâ̆n tơnêi têa Việt Nam kong pơlê kô pơtroh tơmâng xo rơkong tơpui mơnhên ƀă loi tơngah mâu ngế ki rah xo a kơpong ki rêh ối mê (sap hâi lơ 21/3 troh lơ 13/4) ƀă mâu ngế châ mâu kơ koan, khu tơrŭm cheăng, tíu cheăng tơbleăng mâu kăn teăng mâ Kuô̆k hô̆i hneăng má 15 ƀă kăn teăng mâ Hô̆i đong kuăn pơlê kong pơlê, hneăng hơnăm 2021 – 2026 tiô pơkâ.

Hneăng hơnăm 2021 – 2026, Dak Lak châ xing xoăng 9 ngế kăn teăng mâ Kuô̆k hô̆i. Tung mê, 5 ngế kăn teăng mâ rêh ối pêi cheăng kong pơlê, 4 ngế kăn teăng mâ xua Khu xiâm tơbleăng. Kơxô̆ mâu kăn teăng mâ Hô̆i đông kong pơlê cho 75 ngế.

A Sa Ly tơplôu ƀă tơbleăng