Sap ing mơjiâng klêi hngêi kơchơ ki nếo Ea Tu, a tíu kố hiăng pơxiâm tê mơdró tơmeăm, la hngêi tê ôu kơphế dêi rơpo\ng pôa Đinh Trọng Phú, ối a thôn 1, cheăm Ea Tu hiăng pá ai ngế ki lâi troh ôu kơphế akố. Xua ki xú ‘mêi lo ing têa ki mơ’no ing hngêi kơchơ, mê khoh pro kuăn pơlê pá khên prôk lăm troh a kơpong kố. Pôa Phú hêng hôu tối: Klêi kơ’nâi mơjiâng pro Hngêi kơchơ pơxiâm tê mơdró tá hâi teăm ton, mê hâi ki lâi têa ‘mêi xuân lo pá kong plế lo tung lâp kơpong kuăn pơlê rêh ối, pro chiâng xú ‘mêi ó khât.

‘’Ki xú ‘mêi ga tâ troh akố pro kuăn pơlê chiâng ‘mêi, pá kâi hiâm [ă ai tơdjâk troh ivá. Malối tơdroăng tê mơdró, ngin akố ối pá kong dêi kơpong hngêi kơchơ xuân hiăng tâ xú ‘mêi ‘mâk ó ‘nâng. Ngin pâ thế khu râ kơpêng kal ai troăng hơlâ vâ ‘mâi rơnêu, pro kơdroh iâ ki xú ‘mêi ing hngêi kơchơ’’.

Hngêi kơchơ thôn pơlê nếo cheăm Ea Tu, pơlê kong kơdrâm {uôn Ma Thuột tro xú ‘mêi

Pôa Hoàng Bình Minh, ối a thôn 1, cheăm Ea Tu tô tuăn păng ‘nâng drêng nôu pôa hiăng lôi 70 hơnăm rêm hâi athế tro hrik xo xêh hyôh ‘mêi ing têa ki mơ’no ing hngêi kơchơ Ea Tu mê. Pôa Minh ai tối tiah kố:

‘’Á tơngah khu kăn pơkuâ a cheăm Ea Tu re\ng ai troăng hơlâ, ‘mâi rơnêu lôi tơdroăng ki a hngêi kơchơ mơ’no têa ‘mêi, ôh tá chiâng mơ’no têa ing hngêi kơchơ troh a thông têa ki mơ’no têa hbrông ga kơ pro ‘mêi troh kơpong kuăn pơlê rêh ối. Akố, ai môi to hngêi trung mầm non [ă hên vâi krâ-nho\ng o rêh ối, mê têa ’mêi, hyôh ‘mêi kô tơdjâk troh ivá châ chăn dêi kuăn pơlê’’.

Têa ‘mêi ki mơ’no ing hngêi kơchơ Ea Tu hiăng plế lo pá kong troh a tíu kuăn pơlê rêh ối

Tiô tối tơbleăng dêi kuăn pơlê, tơdroăng ki mơ’no têa ‘mêi kố tá xê to tơdjâk troh ivá dêi lối 60 rơpo\ng ki ối tâ tá mê hno têa ki ‘mêi kố ga ối achê [ă Hngêi trung Mầm non Ea Tu ai lối 400 ngế muăn dế hriâm akố.

Têa ‘mêi ối toăng pro chiâng xú ‘mêi, tơdjâk troh ivá châ chăn dêi kuăn pơlê

Pôa Nguyễn Hữu Vượng-Kăn pơkuâ hnê ngăn Đảng, Kăn xiâm hnê ngăn Vi [an cheăm Ea Tu ai tối mơnhên, xua drêng mơjiâng pro hngêi kơchơ kố nah, vâi ‘măn klong mơ’no têa ‘mêi ga bu tơx^n, xua ti mê, têa ôh tá kâi teăm hiu, mê khoh lo pá kong tiah kố.

‘’Tơdroăng ki ‘mêi cho xua têa ki mơ’no ing mâu tíu mơdró tung hngêi kơchơ mê. Xua mâu klo\ng ki mơ’no têa tung hngêi kơchơ tá hâi teăm tơniăn tro tiô tơdroăng pơkâ mê khoh chiâng pro têa toăng hnối plế lo pá kong. Dế nôkố, Vi [an hnê ngăn hiăng ai pơkâ, hnê tối, ăm mâu kăn [o# lăm troh vâ hnê kuăn pơlê ‘mâi rơnêu klo\ng mơ’no têa, kum kuăn pơlê tơ’lêi hlâu iâ tung tơdroăng tê mơdró kâ’’.

Tuấn Anh chêh

Nhat Lisa tơplôu [ă tơbleăng