Khu cheăng kơvâ lêng 737 (ối tung Kuân khu 5) pro đông a kơpong tíu tơkăng kong dêi tơring Ea Sup, kong pơlê Dak Lak. Pak^ng hnoăng cheăng mơnhông cheăng kâ, rak tơniăn hnoăng cheăng lêng gâk kring, đông ối rak ngăn ivá, châ chăn ăm kuăn pơlê a kơpong tíu tơkăng kong ing tơdroăng pêi cheăng dêi Hngêi pơkeăng Khu lêng 737 a cheăm Ia Rvê.

Rêm hơnăm, chât rơpâu ngế hiăng châ khăm pơlât tê kơtê a Hngêi pơkeăng Khu lêng 737 (Kuân khu V)

Jâ Lý Thị Hoàng Anh ối a thôn 2, cheăm Ia Lốp, tơring Ea Súp tối ăm ‘nâi: Tâi tâng rơpo\ng ing kong pơlê Bến Tre to a cheăm Ia Lốp, tơring Ea Súp, kong pơlê Dak Lak mơjiâng tơdroăng cheăng kâ nếo vâ chê 17 hơnăm kố. A kơpong tíu tơkăng kong kố, hmâ ai pơrea\ng xông tâ tú, laga a hơngế Tíu xiâm tơring troh vâ chê 50 km troăng kong, troăng prôk pá puât, xua mê, tơdroăng khăm pơlât trâm hên pá puât. Ing hngêi pơkeăng cheăm Khu lêng 737 dêi {inh đoân 16 châ mơjiâng, vâi krâ xuân hmiên tuăn tâ.

‘’Kuăn cháu á châi tamo môi tiah kơ-o, tơngê, êi xôu á pơrá djâ akố vâ pơlât. Akố mâu [ok thái pơkeăng, thái pơkeăng vâi khăm ngăn krâu khât ‘nâng. Mâu [ok thái pơkeăng akố vâi xuân ai mâu kơmăi kơmok vâ ngăn plâi nuih vâ khăm ngăn i nhên, ai tu\m tơmeăm khoăng. Klêi kơ’nâi khăm ngăn, vâi ối xing xoăng pơkeăng tê kơtê ăm rơpo\ng ngin. Sap ing ai hngêi pơkeăng mê vâi krâ a kơpong kố châ khăm đi đo, ivá dêi kuăn pơlê kơnôm mê châ tơniăn, mo rơdêi, dâi le\m’’.

Vâ chê 20 hơnăm hiăng hluâ, mâu [ok thái pơkeăng a hngêi pơkeăng cheăm đi đo rak ngăn krâu khât ‘nâng vâi krâ a tíu tơkăng kong Dak Lak

{a\ ngoh Cao Đình Thời ối a thôn 11, cheăm Ia Rvê, tơring Ea Súp tối ăm ‘nâi: on veăng ngoh rơtế [ă péa ngế kuăn ối ku\n drêng châi tamo mê pơrá to a Hngêi pơkeăng khu lêng 737 vâ khăm pơlât, xua drêng khăm pơlât akố đi đo châ rak ngăn kơhnâ khât.

‘’Rơpo\ng á kơtăn hngêi pơkeăng cheăm Ia Rvê troh 6 – 7 km, rêm roh mâu kuăn á châi mê vâ khăm pơlât pá puât ‘nâng. Drêng ai hngêi pơkeăng, á đi đo djâ mâu kuăn á lăm khăm a hngêi pơkeăng Khu lêng pêi cheăng kâ vâ khăm pơlât. Á hlo mâu [ok thái pơkeăng, thái pơkeăng rak ngăn khât ‘nâng, xua mê rơpo\ng ngin hmiân tuăn. Sap ing ai hngêi pơkeăng kuăn pơlê a kơpong kố châ rak vế ivá mo le\m’’.

Hngêi pơkeăng Khu lêng 737 (Kuân khu 5) châ mơjiâng sap hơnăm 2001. Nôkố hngêi pơkeăng ai 20 to xoăng koi pơlât, mâu kơbong cheăng ki ê, mê cho: kơmăi kum mơhum kuăn ngá, séa ngăn, xup X quang, séa plâi nuih, môi rơxế pơto mơngế châi tamo, kơmăi hbrâ mơdât pơrea\ng [a\ hía hé. Hngêi pơkeăng châ ai 2 ngế [ok thái pơkeăng, 5 thái pơkeăng, 4 ngế khăm pơlât; [a\ mâu ngế rak ngăn… pơrá pêi cheăng rơkê, pêi kơhnâ khât [a\ mơ-eăm tung hnoăng cheăng khăm pơlât. Rêm hơnăm, Hngêi pơkeăng tơku\m khăm pơlât, hnê rak ngăn ivá ăm vâ chê 10 rơpâu roh ngế a kơpong péa to cheăm tíu tơkăng kong Ia Rvê [a\ Ia Lốp dêi tơring Ea Súp.

Rơtế [a\ tơdroăng khăm pơlât, Hngêi pơkeăng ối đi đo tơru\m [a\ mâu Hngêi pơkeăng cheăm, khu mô đo#i gak kring tíu tơkăng kong dêi kong pơlê Dak Lak chu a mâu thôn, pơlê tơku\m khăm pơlât ăm kuăn pơlê; ru\m pơtâng tối ăm kuăn pơlê tơdroăng ôu kâ, mơgrúa châ chăn, pơtê lôi khôi túa ki ôh tá tro, tí tăng loi pơchâu, xối xeăng drêng tamo châi, hnê mơhno túa hbrâ mơdât mâu pơrea\ng ki hmâ trâm.

Thie#u tă Phùng Bá Cường, Kăn pơkuâ hngêi pơkeăng Khu lêng 737 tối ăm ‘nâi: Xua a kơpong tíu tơkăng kong, mâu tíu khăm pơlât ăm kuăn pơlê ôh tá ai hên, mê hngêi pơkeăng rế pêi hnoăng cheăng khăm pơlât ăm kăn [o#, ko\ng nhân viên tung đông rế kum kuăn pơlê drêng vâi kal.

‘’Drêng kuăn pơlê kal, ngin ăm nho\ng o thăm pêi cheăng vâ kêi đeăng hnoăng cheăng, xiâm kối tơtro tiô kal vâ dêi kuăn pơlê, ôh tá ăm ai pơrea\ng xông tâ tú tung cheăm. Vâ pêi tro tâ mê nếo ‘na tơdroăng khăm pơlât, tung la ngiâ, ngin hiăng pâ thế Khu xiâm pơkuâ lêng tơmâng mơ’no liăn cheăng hên tâ mê ‘na ‘mâi rơnêu, mơnhông hngêi trăng, kế tơmeăm, kơmăi kơmok sinh ho\a, kơmăi siêu âm; pak^ng mê, pơtối tơku\m po pơtroh mâu kăn [o#, mơngế cheăng lăm hriâm mơdêk tơdroăng pêi cheăng vâ kum tung thăm pơlât’’.

Jâ Trần Lệ Thủy, Kăn pơkuâ hnê ngăn cheăm Ia Rvê, tơring Ea Súp, kong pơlê Dak Lak tối ăm ‘nâi, a kơpong tíu tơkăng kong, kơxo# rơpo\ng kơtiê cho hên, vâ chê 70%. Tơdroăng rak ngăn ivá ăm kuăn pơlê ối trâm hên pá puât xua tơmeăm khăm pơlât ôh tá tu\m. Mâu hngêi pơkeăng cheăm ôh tá tu\m tơmeăm khăm pơlât. Tơdrêng amê, ing kơpong kố to a Hngêi pơkeăng kân tơring Ea Súp troăng prôk ‘mêi ‘mâk, pro tơdroăng khăm pơlât ôh tá teăm tơdrêng. Ing ai hngêi pơkeăng Khu lêng 737, tơdroăng khăm pơlât a cheăm chía hôm iâ, tơdroăng khăm pơlât châ tơniăn.

‘’Cheăm mê kân rơdâ, tơdrêng amê bu ai môi hngêi pơkeăng cheăm mê ôh tá hâi tu\m tung tơdroăng khăm pơlât, ôh tá pơlât teăm tơdrêng ăm vâi krâ tung cheăm. Tơdroăng ki ai Hngêi pơkeăng khu lêng hiăng kum hên tung hnoăng khăm pơlât, xing xoăng pơkeăng tê kơtê ăm kuăn pơlê tung kơpong péa to cheăm. Hmâ kơhâi lơ kơmăng, hâi pơtê hâi tơdrốu lơ hâi t^ng, mê nho\ng o kăn [o# dêi Hngêi pơkeăng xuân khăm pơlât ăm kuăn pơlê drêng vâi krâ troh khăm pơlât. Tơdroăng hngêi pơkeăng dêi Khu lêng kum hên ‘nâng tung hnoăng khăm pơlât ăm kuăn pơlê tung cheăm’’.

Vâ chê 20 hơnăm rêh ối pêi cheăng a kơpong tíu tơkăng kong Ea Súp, kong pơlê Dak Lak, Khu lêng pêi cheăng kâ cheăng lêng 737 (Kuân khu 5) hiăng kum kal khât tung mơnhông mơdêk cheăng kâ – rêh ối pơlê pơla a cheăm. Tơdroăng mơjiâng hngêi pơkeăng Khu lêng 737, [a\ hngêi trăng troăng klông, tơmeăm khoăng, kơmăi kơmok hiăng vâ tu\m kum ăm kơvâ khăm pơlât tung tơdroăng khăm pơlât apoăng. Ki rơhêng vâ tối, khu [ok thái pơkeăng, thái pơkeăng rơkê pêi cheăng, khăm ngăn khât, thăm mơhno hiâm mơno khu lêng-kuăn pơlê ru\m dêi pó, thăm mơhno um méa le\m dêi Ngoh Mô đo#i Pôa Hồ tung rêm tơdroăng pêi cheăng.

Tuấn Long chêh

A Sa Ly tơplôu [a\ tơbleăng