Ô pôa, tơ’noăng vâ châ pro ngế pơkuâ kăn [o# cho troăng hơlâ ki kân dêi Đảng la dế a kơlo mơnúa, tung pơla mê, Dak Lak cho kong pơlê ki phá tơ-ê xêh a kơpong Tây Nguyên. Xua mê ti lâi Khu kăn Đảng kong pơlê pơkâ hơ’leh nếo tơdroăng rah xo kăn [o# pơkuâ [ă tơdroăng tơ’noăng vâ rah xo tung pơla ngăn dế ai hên ngế tô tuăn hdrối vâ po hneăng hôp kân Đảng rêm râ?

Pôa Bùi Văn Cường:  Pêi pro tiô pơkâ kơxo# 26 tối mơgêi dêi Khu xiâm kal kí xuân môi tiah hnê mơhno dêi Kăn hnê ngăn Đảng, sap hơnăm 2015, Dak Lak hiăng châ rah xo ing 22 to kong pơlê, pơlê kong kơdrâm ki mơnúa tơ’noăng vâ rah mâu ngế pro kăn râ cheăm tơring, râ [ơrô.

Tiô ăm hlo tung mâu khế hơnăm hdrối mê hía nah xuân hiăng po tơ’noăng rah xo ngế vâ pro ngế xiâm pơkuâ ngăn pơkeăng pơlât râ kong pơlê, mâu ngế vâ pro kăn, pro pho\. Nôkố Dak Lak dế vâ rah xo ai 2 tíu kăn pơkuâ [ă 1 kăn pho\ pơkuâ dêi môi tíu pêi cheăng xiâm, mê Dak Lak pơtối vâ po tơ’noăng rah ngế vâ pro kăn xiâm, râ [ơrô tiô troăng hơlâ mơnúa ki Khu xiâm ka kí hiăng hnê mơhno.

‘Na tơdroăng veăng hnê tối ai tối tiah kố, pơla kố cho pơla dế oh tá tơniăn, tô tuăn [ă tơdroăng vâ tơ’noăng rah xo, thế tối nhên ôh tá ai tơdroăng klâi tối cho tô tuăn. Xua tơdroăng 2 ngế kăn hnê ngăn Đảng hiăng troh hơnăm pơtê cheăng xua hiăng krâ [ă môi ngế hơ’leh lăm pêi cheăng tíu ê, 2 ngế kăn pơkuâ pơtê cheăng xua hơnăm hiăng krâ mê hiăng ăm pin hlo nhên kố cho rôh ki thế tơ’noăng, ôh tá xê ai tíu ki lâi ki nếo.

‘Na hneăng hôp xuân pơtối po hôp môi tiah hmâ, tơdroăng cheăng kăn [o# tung pơla po hneăng hôp xuân pêi pro tro tiô pơkâ 35 dêi Khu xiâm kal kí xuân môi tiah tơdroăng hnê mơhno kơxo# 26 dêi Khu kăn xiâm tơnêi têa.

Tơ’noăng rah xo ngế pro kăn cho rôh pêi pro ki tơ-[rê tung tơdroăng rah xo kăn [o#, troh nôkố ôh tá xê kong pơlê ki lâi xuân pêi pro. Pôa tơmiât ki lâi drêng ai ngế xuân ối nhôm tơmiât tiah kố ‘’Tơ’noăng cho vâ pơtih ăm hlo tê?’’.

Pôa Bùi Văn Cường: Tơdroăng tơmiât ki mê cho ing tơná dêi rêm ngế, la ki nhên khât tâng ôh tá tơ’noăng pin ôh tá ‘nâi ki rơkê lơ ôh dêi ngế kăn [o#. Hdrối nah pin bú ngăn ing tơdroăng cheăng pêi, tung pơla mâu hơnăm gá pêi cheăng, ing hồ sơ. Nokố ngăn vâ ‘nâi nhên [ă tơdroăng cheăng pêi mơjiâng tơdroăng tơkêa pro. Tâng châ rah xo ngế pơkuâ râ kong pơlê, ngoh pêi ki klâi, pêi môi tiah lâi, ngế ki lâi ai tơdroăng tơkêa bro tro ‘ló tâ, tối tơbleăng nhên hleăng tâ, [ă tiâ mâu tơdroăng xua Khu pơkuâ ngăn Đảng kong pơlê, mâu ki rơkê kơ-êng thế tiâ rơkê tơtro tâ mâu ki ê. A hlo mê ôh tá xê pơtih mơhno [ă mâ tê ôh, mê cho tơdroăng ki rơkê khât vâ tối dêi ngế kăn [o#.

Cho ‘nâng, tơ’noăng rah xo mâu ngế pro kăn lơ ngế pơkuâ râ kong pơlê dêi mâu kơvâ cheăng mâu kong pơlê hiăng pêi pro, la [ă tơdroăng rah xo kăn hnê ngăn Đảng tơring mê Dak Lak cho kong pơlê ki apoăng pêi pro, tiah mê hôm ai pá ki klâi há tung tơdroăng pêi pro [ă pơkâ há ô pôa?

Pôa Bùi Văn Cường: Nôkố Dak Lak tơ’noăng rah xo mâu ngế pro kăn tro tiô troăng hơlâ dêi khu xiâm Kal kí [ă cho 1 tung 22 to kong pơlê vâ tơ’noăng, krê tơ’noăng rah xo kăn hnê ngăn Đảng tơring dế mơnúa pro. Nôkố ai 2 tơring dế kal ai kăn hnê ngăn Đảng, tiô pơkâ kơxo# 26, kăn hnê ngăn Đảng tơring ôh tá xê ngế ki rêh ối a tơring ki mê, xua mê thế xo ing tíu ê.

Má môi, cho kăn pho\ hnê ngăn Đảng mâu tơring, pơlê kong krâm, pơlê kong kơdrâm lơ kăn ngế pho\ pơkuâ râ kăn kong pơlê dêi mâu kơvâ cheăng ai pơkâ hiăng hdró rah xo inâi hdrối dêi khu kăn Đảng kong pơlê ki ngin hiăng rah xo. Nôkố hiăng rah rêm tíu ai 5 ngế. Hmâ hlo rah 1-2 ngế, nôkố rah xo 5 ngế hiăng rah hên tâ.

Tơdroăng pêi pro tiô pơkâ 105 dêi Đảng, môi tiah tâi tâng mâu pơkâ ki ê. Rah xo mê cho 1 tơdroăng vâ ngăn ing mê kô tơbleăng inâi, ngin hiăng chêh hlă mơ-éa vâ tối tơbleăng pâ Khu tơru\m cheăng xiâm tơnêi têa Khu xiâm ngăn cheăng pêi hiăng ăm phêp. Ngin tơmiât kô tro tâ [ă xuân ing tơdroăng hơ’muăn tối tro tâ mê ôh tá xê to a tơdroăng tối ngế ki mê gá ti lâi, mê ối ai ing hiâm mơno dêi mâu ngế ai inâi ki veăng rah xo.

Ăm hlo nhên mâu ngế ai inâi veăng rah xo mê thế hiăng tơmiât nhên, tơche\ng hên khât vâ tối tơbleăng a ngiâ Khu kăn Đảng kong pơlê Dak Lak mê thế pêi pro tro khât, nhên tâ ‘na mâu troăng hơlâ vâ pêi, malối mâu tơdroăng ki vâ pêi thế châ tơ-[rê ing tơdroăng pơkâ dêi Hneăng hôp Đảng [o# tơring mê [ă tơdroăng pơkâ Hneăng hôp Đảng [o# kong pơlê.

 Ăm hlo nhên mâu ngế ai inâi vâ veăng tơbriât pro kăn thế tí tăng ‘nâi ple\ng hên tu\m tơdroăng [ă thế hiâm mơno vâ pêi cheăng kơhnâ khât drêng troh thế pêi cheăng hlối. A loi khât pêi hnối [ă hlối hriâm ‘mâi rơnêu drêng rêm ngế hlê tro vâi kô veăng môi tuăn.

Vâ rah xo kăn [o# ki ai hiâm mơno le\m, tuăn ngôa rơkê tơdroăng po tơ’noăng rah xo tiah kố hôm cho tơdroăng pêi pro ki tro khât há ô pôa?

Pôa Bùi Văn Cường: Rah xo kăn [o# nôkố pin dế pêi pro tiô to lâi tơdroăng pơkâ: Má môi, thế tối tro khât ‘na ngế kăn [o# ki mê. Má péa, ing mâu tơdroăng cheăng pêi ki hlo [ă mâ dêi ngế kăn [o# ki vâ rah xo [ă tơdroăng tối tơbleăng mâu tơdroăng vâ pêi drêng châ rah xo ah. Má pái, ing mâu tơdroăng séa ngăn tung pơla mâu hơnăm pêi cheăng dêi mâu ngế vâ veăng lo tơbriât pro kăn ing mâu tơdroăng cheăng ki ngoh pêi, ki ngoh pêi tơ-[rê, pêi tro [ă hlối ai mâu tơmeăm pê lo ki nếo, [ă tơdroăng cheăng pêi a tơring cheăm tíu ki ngế ki mê ối  mơnhông tơ-[rê môi tiah lâi.

Tâng xuân ai tơring cheăm ki mê tâng ăm Ngế pơkuâ ki rơkê tơtro mê tơring cheăm ki mê kô mơnhông tơ-[rê. Tâng rah xo ngế kăn pơkuâ ki oh tá ai tuăn le\m, oh tá rơkê, tơdroăng cheăng a tíu mê xuân ôh tá kâi hlo tơ-[rê. Tơdroăng tối rah ăm mâu kăn [o# pêi cheăng xuân ai hên troăng.

La kố xuân cho troăng vâ rơtế séa ngăn hồ sơ, hlối séa ngăn tung pơla pêi cheăng vâ ‘nâi nhên tâ nếo vâ rah xo mơngế ki rơkê, ai hiâm mơno le\m, pêi cheăng tơtro tung tâi tâng mâu ngế ki ai inâi rah xo mê kô pêi tro hnoăng cheăng ki pơcháu ăm kăn [o#.

Hôm mơnê kơ pôa!

            Hương Lý chêh

Gương tơplôu [ă tơbleăng