VOV4.Sêdang - Mơdêk hnoăng cheăng séa ngăn vâ rĕg hbrâ mơdât ki tâ tú dêi pơreăng tung kong pơlê cho tơdroăng ki xiâm châ tối a Rôh hôp tơbleăng hnoăng cheăng hbrâ mơdât pơreăng hơnăm 2021 xua Vi ƀan hnê ngăn kong pơlê Dak Lak tơkŭm po a kơxo lơ 11/3. Hbrâ mơdât ƀă pơreăng, kong pơlê hiăng hbrâ rơnáu mơdêk mâu tơdroăng cheăng séa ngăn, vê hdró kơpong vâ pôi tá ăm pơreăng châ tâ tú tung pơlê pơla xuân môi tiah pêi pro tơ-ƀrê hnoăng cheăng pơlât mâu ngế ki tâ pơreăng.

A hneăng hôp

Kơnôm mê, Dak Lak hiăng pơlât prêi ăm 3 ngế ki tâ COVID-19, ôh tá ai ngế ki lâi tâ tú tung pơlê pơla, ôh tá ai ngế ki lâi hlâ xua pơreăng êi rơtốu krôk. Mơnhên tơdroăng pơreăng kô pơtối ai mâu tơdroăng ôh tá tơniăn a hơnăm 2021, mâu kăn hiăng tơkŭm tơpui tơno ƀă pơkâ mơ’no mâu troăng hơlâ vâ pro kơdroh kơlo ki châ mot tâ tú dêi pơreăng tung kong pơlê.

Nga tơplôu ƀă tơbleăng