A mâu tíu ki trâm, tơpui tơno [ă kuăn pơlê, Khu kăn Kuo#k ho#i hiăng tối tơbleăng mâu tơdroăng ki mơnhông pêi cheăng kâ-rêh ối pơlê pơla dêi tơnêi têa sap ing apoăng hơnăm troh nốkố [ă tiô tối hdrối tơdroăng pêi cheăng dêi roh hôp má 6, Kuo#k ho#i hneăng 14; Tơdrêng amê, tơmâng xo rơkong tơpui tối dêi mâu kuăn pơlê, pâ thế ‘na mâu tơdroăng ki ai tơdjâk troh ‘na pêi cheăng kâ, rêh ối pơlê pơla, ‘na rêh ối dêi kuăn pơlê tung lâp tơnêi têa xuân môi tiah mâu tơdroăng rêh ối-cheăng kâ a kong pơlê tơná.

Tâ tá kơpong ki trâm kuăn pơlê a cheăm Ea Tam, tơring Krông Năng, kong pơlê Dak Lak

Pôa Phạm Đình Kiệm, ối a cheăm Ea Wy, tơring Ea Hleo tối ‘na mâu tơdroăng ki hnê hriâm [ă hnê mơjiâng tơdroăng rơkê dế nôkố, malối ‘na tơdroăng ki hơ’lêh nếo tung mâu kơxop hlá mơ-éa hriâm ăm râ má môi. Tiô pôa Kiệm tối ăm ‘nâi, tơ’lêi tê vâ ‘nâi mâu kơxop hlá mơ-éa ăm hok tro râ má môi kal athế chêh in, bro ga vâ môi tiah mâu kơxop hlá mơ-éa [ai tâp há, xua mê, ôh tá ăm vâi hok tro chêh tung kơxop hlá mơ-éa ki mê kal athế rak vế dêi mâu kơxop hlá mơ-éa mê i krâu le\m, tơdroăng kố tiô pôa tối ga cho tơdroăng ki chía pá.

Kuăn pơlê cheăm }ư\ A Mung, tơring Ea Hleo pâ thế kăn Kuo#k ho#i

Xua ti mê, pôa Kiệm ai pâ thế Khu xiâm ngăn ‘na tơdroăng hnê hriâm [ă mơjiâng tơdroăng rơkê kal athế ai túa ki pro tiah lâi vâ pôi tá pro mơ’nhê tung tơdroăng xúa kơxop hlá mơ-éa hrtiâm.

‘’Kơxop hlá mơ-éa bu chiâng xúa ai môi hdroh mê khoh chiâng ai tơdroăng hơnăm ki lâi hok tro xuân athế rôe kơxop hlá mơ-éa, tơdroăng kố pro mơhrê liăn ngân ăm nôu pâ hok tro [ă pro mơ’nhê liăn ngân dêi tơnêi têa. Ki rơhêng vâ tối, tơdroăng ki veăng kum ăm hok tro hdroâng kuăn ngo a kơpong ki xahpá rôe hlá mơ-éa hriâm.

Xua mê, pin athế vêh séa ngăn ‘na tơdroăng kố vâ ai troăng hơlâ, túa cheăng ki chêh bro, in kơxop hlá mơ-éa ki tiah lâi kô chiâng vâ vêh xúa a hơnăm kơ’nâi, vâ pôi tá mơ’nhê hên kơxo# liăn ngân dêi tơnêi têa. Môi tơdroăng nếo kal athế ‘nâi ple\ng mê drêng hngêi trung ai mơnhông ‘na hiâm tuăn mơdêk tơdroăng hnê hriâm ăm hok tro xuân kal ai tơdrêng tá tơdroăng ‘nâi kơd^ng liăn ngân, kế tơmeăm, maluâ ti mê, tơdroăng ki pin mơ’no bro mê hiăng pro mơhrê hên liăn ngân, ing mê pá ăm tơdroăng hnê hriâm vâ pơtroh ăm hok tro pơla rơkong hnê tối [ă tơdroăng pêi pro tá hâi môi tiah, lơ hâi tá bô bối dêi pó’’.

Mâu kuăn pơlê ai kal vâ hlê ple\ng ‘na tơdroăng ai tơdjâk troh  mơnhông pêi cheăng kâ a pơlê cheăm, môi tiah: ‘no liăn ‘mâi rơnêu, mơjiâng pro troăng prôk tung thôn pơlê, mơjiâng mâu rơchôa, hno têa kum ăm tơdroăng pêi chiâk deăng kuăn pơlê a kơpong ki xahpá, tô mơdrăng khăng khoăng, ‘no liăn mơjiâng pro mâu tơmeăm khoăng mơhno túa le\m tro, chêh bro, pơcháu ph^u rak xúa tơnêi ăm kuăn pơlê.

Ki rơhêng vâ tối, kuăn pơlê ối a pơlê cheăm hơngế hơngo, kơtiê xahpá pói rơhêng vâ mâu kơ koan ki ai hnoăng cheăng kal athế séa mơnhên ngăn ‘na tíu ki mơjiâng hdrê pêt, hdrê păn, phon rơvât, mâu pơkeăng xôh kơdê oâ hdrong vâ kuăn pơlê tơniăn tuăn tâ tung pêi chiâk pêi deăng.

Pôa Triệu Văn Cường mơngế kuăn pơlê ối a cheăm }ư\ A Mung, tơring Ea Hleo pâ thế tiah kố:

‘’Phon rơvât ăm mâu hdrê loăng dế kố [ă kuăn pơlê ngin, ngin xuân ôh tá ‘nâi nhên ki lâi cho phon ki păng ‘nâng, ki lâi ki pơloi. Ngin bu ‘nâi lăm troh a hngêi mơdró, drêng ai liăn ngin kô rôe, tâng ôh tá ai liăn mê hngêi mơdró kô ăm ngin che\n. La ki dâi le\m lơ ôh tá dâi dêi phon rơvât mê, ngin ôh tá ‘nâi phon ki lâi ki dâi ki lâi ki ôh. Xua ti mê, ngin kuăn pơlê tơngah pâ thế khu kăn kal athế ai hnoăng cheăng séa mơnhên ngăn mâu hngêi ki mơdró phon, séa mơnhên mâu pơkeăng xoh kơdê oâ hdrong vâ kuăn pơlê drêng ‘no dêi liăn rôe mâu tơmeăm ki mê kô tơxâng, cho tơmeăm ki ai pơxúa ăm tơdroăng pêi cheăng kâ’’.

A chôu phut trâm mâ kuăn pơlê, mâu vâi krâ-nho\ng o a tơring Krông Năng pói rơhêng vâ tơnêi têa kô bruô kum liăn ngân ăm xúa on tơhrik [ă têa krúa vâ kuăn pơlê ối kơpong hơngế hơngo châ tơniăn; pâ thế khu râ kăn pơkuâ kal mơnhên, tơleăng khât mâu khu ngế ki ai pro xôi luât, mâu ngế ki ai xôi ‘na pơlê pơla vâ kuăn pơlê hmiân tuăn pêi chiâk pêi deăng, pêi cheăng kâ.

Pôa Vũ Chí Quyền, ối a thôn Tam Đồng, cheăm Ea Tam, tơring Krông Năng, kong pơlê Dak Lak pâ thế:

‘’Tơdroăng ki kuăn pơlê dế tô tuăn nôkố, mê cho tơdroăng ki ai xôi pơlê pơla, mâu tơdroăng ki xôi mê nôkố hlo a ngiâ mâ ‘nâng. Kuăn pơlê bú ‘nâi to pêi cheăng kâ, pêi pêt mơjiâng kế tơmeăm, nôkố tơku\m pêi to loăng kơphế, tiu, [ơr, plâi sầu riêng. Rơpo\ng á ai dâng 50 xiâm loăng plâi sầu riêng athế pêi tung chiâk deăng, tâng ôh tá [e\ng ê kô tơ’lêi hía plâi.

Á pâ thế tơnêi têa kal ai troăng hơlâ ki rơdêi tâ nếo vâ khoh kâi châ mơdât tơdroăng pro xôi kố, tâng ôh tá kâi châ mơdât, mê kuăn pơlê ah ki trâm pá xêh, kô hía tâi tâng mâu tơmeăm khoăng a chiâk deăng’’.

Pak^ng mê, tơdroăng ki ‘mêi a tơnêi tơníu, hyôh kong prâi, tơdroăng ki mâu tơmeăm khoăng châ mơjiâng pro la hiăng tơ’nhê, tơdroăng tăng cheăng pêi ăm sinh viên klêi kơ’nâi lo ing hriâm hngêi trung, veăng kum kơdroh yă rôe hdrê cho mâu tơdroăng ki kal kuăn pơlê hiăng pâ thế, tơngah kơ khu kăn Kuo#k ho#i ai troăng hơlâ to\ng kum.

Jâ Trần Thị Vững, ối a cheăm Ea Tam, tơring Krông Năng, kong pơlê Dak Lak pâ thế tiah kố:

‘’Nôkố, vâi krâ-nho\ng o ngin môi hơnăm nếo châ krí dêi kơphế, tiu [ă mâu hdrê loăng plâi ki ê, la mâu tơmeăm ki mê drêng tê a kơchơ yă chu rơpâ ó ‘nâng, vâi krâ-nho\ng o pêi la ôh tá châ liăn tơkâ, tung pơla mê phon rơvât thăm rế to kơnâ, yă tê têa châu têa kơxăng tâk kơnâ, pơla mê, mâu tơmeăm pêi lo la tê ôh tá kơnâ.

Á xuân pâ thế Kuo#k ho#i pro ti lâi chía mơdêk iâ yă tê kế tơmeăm ki pêi lo ing chiâk deăng ăm ngin vâ vâi krâ-nho\ng o chía hmiân tuăn’’.

Klêi kơ’nâi hmâng mâu rơkong tơpui tối dêi kuăn pơlê, mâu kăn Kuo#k ho#i hiăng ai tiâ mơnhên mâu rơkong tơpui tối, pâ thế dêi kuăn pơlê. {ă mâu rơkong tối pâ, vâ thế dêi kuăn pơlê tâng lối kân, lối hơngế, mê mâu kăn kô tơmâng xo vâ tối tơbleăng ăm Kuo#k ho#i râ kơpêng tiâ mơnhên, to\ng kum.

Hương Lý - Nam Trang chêh tối

Nhat Lisa tơplôu [ă tơbleăng