VOV4.Sêdang - Kơxê lơ 4/5, Khu hnê mơhno hbrâ mơdât COVID 19 tơring Čư Mgar, kong pơlê Dak Lak hiăng ai mơ-éa ki kal thâ pơtroh mâu tíu ki tơdjâk tơbleăng ‘na 1 ngế nhôm tro tâ pơreăng COVID 19. Tiô mơ-éa ki kal kố, a dâng 1 chôu kơxê lơ 4/5, Hngêi pơkeăng pơlê kân Ea Pôč, tơring Čư Mgar ai tơdah 1 ngế troh tối tơbleăng ăm ƀok thái pơkeăng vêh ing pơlê kong kân Đà Nẵng. Ngế ki kố nhôm tro tâ pơreăng COVID 19 môi tiah kơ-o, tơngê, lo têa môh ƀă hía hé.

Klêi kơ’nâi tơdah, ngế ki kố hiăng châ xo mơheăm pơtroh a Hngêi pơkeăng xôh pơkeăng hbrâ mơdât pơreăng Tây Nguyên vâ khăm ngăn ƀă dế tơkôm vâ ‘nâi hôm tro lơ ôh. Nôkố hiăng châ djâ klâ ối kơtăn a kơbong pơlât mâu ngế tro tâ pơreăng dêi Tíu xiâm khăm pơlât tơring Čư Mgar. Klêi kơ’nâi tơdah tơdroăng ‘na ngế ki tâ kố, mâu khu cheăng hiăng tơkŭm xôh pơkeăng kơdê pơreăng a Hngêi pơkeăng pơlê kân Ea Pôč, hngêi ối pơtê Tứ Qúy, hngêi rơxế Toàn Thông ƀă klâ ối kơtăn a hngêi mâu ngế ki ối achê ki nếo tối a kơpêng mê.

A Sa Ly tơplôu ƀă tơbleăng