VOV4.Sêdang - A Bo cheăng Bu Prăng, cheăm Quảng Trực, tơring Tuy Đức, kong pơlê Dak Nông, Vi ƀan hnê ngăn kong pơlê Dak Lak hiăng tơkŭm po diâp kơxô̆ liăn, kế kâ, kế tơmeăm xúa kum ăm kong pơlê Mondulkiri, kong têa Kul hbrâ mơdât pơreăng COVID-19. Drêng kố, kăn ƀô̆, lêng, kuăn pơlê, kong pơlê Dak Lak diâp ăm kong pơlê Mondulkiri 200 rơtuh liăn, 5 tâ̆n phái, 300 kơthung xup kơxŏng khăng, 7 rơpâu plâ kên klup môh rơkong; hbru ăm kuăn pơlê Việt Nam ki rêh ối cheăng kâ akố 3 tâ̆n phái, 300 kơthung xup kơxŏng khăng, 3 rơpâu plâ  kên pâng môh rơkong, 150 hnoăng tơmeăm tung mê ai mâu kế kâ, têa kơdê pơreăng.

Tâ tá rôh leh diâp tơmeăm

Drêng kố, Khu pơkuâ ngăn lêng kong pơlê Dak Lak xuân diâp 2 tâ̆n phái, hên kế tơmeăm, têa kơdê pơreăng, kên pâng môh rơkong, tâi tâng kơnâ lối 100 rơtuh liăn ăm khu pơkuâ ngăn lêng kong pơlê Mondulkiri, Kuân khu 1, Khu lêng pơtáu Kul; Đoân droh rơtăm Kŏng san Hồ Chí Minh kong pơlê Dak Lak diâp ăm droh rơtăm kong pơlê Mondulkiri 10 rơpâu plâ kên pâng môh rơkong.

Katarina Nga tơplôu ƀă tơbleăng