VOV4.Sêdang - Tiô riân ngăn dêi Khu ngăn cheăng pêi mố đô̆i rong ƀă rêh ối pơlê pơla kong pơlê Dak Lak, sap ing khế 7/2021 troh nôkố, lâp kong pơlê ai lối 75 rơpâu ngế kuăn pơlê sap ing mâu kong pơlê ki ai pơreăng vêh. Krê sap ing apoăng khế 10 troh nôkố, ai vâ chê 26 rơpâu ngế. Tung mê ki hên cho kuăn pơlê dế pêi cheăng a mâu kơpong cheăng ƀă kơmăi kơmok a Bình Dương, Đồng Nai, Pơlê kong kân Hồ Chí Minh. Vâ tŏng kum khu ngế ki kố, Khu ngăn cheăng pêi hiăng tơpui ƀă mâu kong pơlê ki ai tơdroăng rơhêng vâ xúa mâu ngế pêi cheăng vâ tơdjêp tơdroăng ki pêi cheăng drêng mâu hngêi kơmăi pêi cheăng tiah hmâ nếo klêi ai pơreăng kân.

Dak Lak kum mâu ngế pêi cheăng vêh sap ing kơpong ki tơdjâk dêi pơreăng COVID-19

Krê ƀă mâu ngế pêi cheăng ki ai tơdroăng rơhêng vâ pêi cheăng a kong pơlê, Khu kố xuân pơkâ thế ƀơrô ngăn cheăng pêi mâu tơring, pơlê kong krâm, pơlê kong kơdrâm tơkŭm inâi vâ mơjiâng túa pơkâ tŏng kum tơtro. Tung tơdroăng pơkâ 128 dêi Chin phuh rế hbrâ mơdât pơreăng rế ‘mâi mơnhông cheăng kâ, a Dak Lak, ƀă mâu ngế ki pơkâ ối, kong pơlê kô pơtối tơmâng ngăn troh tơdroăng pơkâ tŏng kum cheăng pêi tơtro, kum tơniăn tơdroăng rêh ối tung la ngiâ.

Katarina Nga tơplôu ƀă tơbleăng