VOV4.Sêdang - Lối 1.800 ngế hok tro râ má peá a Dak Lak nếo veăng tơ’noăng mot hriâm lâm 10  hơnăm hriâm 2021 - 2021 dêi péa hngêi trung ki pơrá phá dêi pó: Hngêi trung râ má pái chuyên Nguyễn Du ƀă Hngêi trung hnê kuăn ngo ai tíu kâ koi ối pơtê Nơ Trang Lơng. Hneăng tơ’noăng mot lâm 10 hơnăm kố a Dak Lak bú ai 2 to hngêi trung châ tơkŭm po tơ’noăng, mê cho Hngêi trung chuyên Nguyễn Du, pơlê kong kơdrâm Ƀuôn Ma Thuột, ƀă Hngêi trung râ má pái phôh thong hnê kuăn ngo ai tíu kâ koi ối pơtê Nơ Trang Lơng.

Thái ki séa ngăn tơdroăng ‘na hok tro tơ’noăng

Tung kơxô̆ 1.839 ngế hok tro chêh inâi tơ’noăng, 2 to hngêi trung bú xo 550 ngế hok tro. Pakĭng péa to hngêi trung ăm phêp tơ’noăng mot hriâm, hơnăm kố, mâu hngêi trung râ má pái phôh thong ki ê a Dak Lak xuân tơkŭm séa ngăn điêm. Mâu hngêi trung râ má pái, hngêi trung phôh thong liên cấp công lập, Hngêi trung râ má pái hnê kuăn ngo ai tíu kâ koi ối pơtê Tây Nguyên ƀă Hngêi trung râ má pái phôh thong Thực Hành Cao Nguyên, châ mơjiâng tiô troăng hơlâ rah xo krê, ing tơdroăng pơkâ rah xo hiăng châ Vi ƀan kong pơlê Dak Lak kĭ ăm phêp.

Gương tơplôu ƀă tơbleăng