VOV4.Sedang - Vi ƀan mâu cheăm tơkăng kong dêi kong pơlê Dak Lak, mê cho mâu cheăm Ia Rvê, Ia Lốp, Ra Bung, tơring Ea Sup ƀă cheăm Krông Na (tơring Buôn Đôn) nếo tơrŭm ƀă mâu Đông Mô đô̆i gak tơkăng kong ki pro đông a tơring mơhnhôk “Tâi tâng kuăn pơlê veăng hbrâ mơdât pơreăng COVID-19 ƀă mơdât mơngế mot lo hmâng vâ”.

Ing mê, teăng mâ Khu rak ngăn 51 to thôn, pơlê dêi 4 to cheăm tơkăng kong hiăng kĭ tơhrâ veăng pêi tơdroăng ki nếo, môi tiah: Đi đo hnê mơhnhôk kuăn pơlê, mâu ngế tung khu rak vế pêi pro tro tiô troăng hơlâ dêi Đảng ƀă luât tơnêi têa, pơkâ ‘na hbrâ mơdât pơreăng COVID-19.

Tâi tâng mâu rơpŏng kuăn pơlê tơhrâ rak tro luât tơkăng kong Tơnêi têa, pêi tro mâu tơdroăng pơkâ, hnê mơhno kơpêng ‘na tơdroăng hbrâ mơdât COVID-19, pro kơtăng tối tơbleăng dêi tơná, ôh tá tơkŭm pú  hên luâ kơxô̆ ki pơkâ.

Gương tơplôu ƀă tơbleăng