VOV4.Sêdang - A kong pơlê Dak Lak, tung mâu tơdroăng pêi pro vâ koh hneăng tâ phĭu rah xo kăn Kuô̆k hô̆i hneăng 15 ƀă Hô̆i đong kuăn pơlê rêm râ hneăng 2021-2026, Tíu mơđah tơbleăng um tơmeăm kong pơlê Dak Lak nếo po mơđah tơbleăng põá ‘”Hâi leh dêi tơnêi têa”. Mơđah tơbleăng ai 3 tơdroăng ki xiâm: “Pôa Hồ ƀă Kuô̆k hô̆i Việt Nam”, “Hdró Kuô̆k hô̆i Việt Nam”, “Mâu tơdroăng pêi pro ki tơ-ƀrê dêi Khu kăn Kuô̆k hô̆i ƀă Hô̆i đong kuăn pơlê rêm râ kong pơlê Dak Lak”.

Mâu kăn lăm mot ngăn a tíu mơđah tơbleăng um tơmeăm

Dâng 130 kơtâ um châ tơbleăng veăng mơhno nhên mâu hnoăng cheăng pêi dêi Kuô̆k hô̆i ƀă Hô̆i đong kuăn pơlê rêm râ tối tơchoâm; tơdroăng cheăng dêi Khu kăn Kuô̆k hô̆i ƀă Hô̆i đong kuăn pơlê rêm râ kong pơlê Dak Lak tối krê ing mâu  rơxông; mơhno ki pơtối, rak vế ki hơ’leh nếo dêi Kuô̆k hô̆i tung tơdroăng cheăng’na luât, seá ngăn ƀă pơkâ mâu tơdroăng ki kal dêi tơnêi têa; tơdroăng pêi pro tro tiô hnoăng cheăng cho kơ koan xiâm dêi Tơnêi têa tung tơdroăng hơ’leh troăng hơlâ dêi Đảng, luât Tơnêi têa.

Gương tơplôu ƀă tơbleăng