VOV4.Sêdang - Pêi pro tiô hnê mơhno dêi Khu xiâm Kŏng an ‘na pro ăm  theh kan kươk kuăn pơlê, kŏng an kong pơlê Dak Lak dế mơ-eăm, tơkŭm mơdêk mơngế pêi cheăng, hâi pêi cheăng tah troh 19 chôu tung 1 hâi vâ tơdah hồ sơ chêh tối pro ăm theh kan kươk kuăn pơlê krâ chips điê̆n tưh ăm kuăn pơlê châ tơniăn ƀă tro tiô pơkâ.

Dak Lak mơdêk hâi ƀă tơbleăng tơdroăng cheăng pro klêi kan kươk kuăn pơlê

Tiú pêi cheăng xiâm kŏng an kong pơlê Dak lak cho 1 tung 18 tíu ki pro kan kươk krâ chíp điê̆n tưh tung kong pơlê. Ƀă ai 3 tôh pêi cheăng, klâ chiâng 3 rôh pêi cheăng, kơxo, kơxê, kơmăng, sap 7h kơxo troh 22h kơmăng, rêm hâi tơdah dâng 600 hồ sơ dêi kuăn pơlê lăm pro theh kan kươk. Chôu pêi cheăng tâk 15h/môi hâi teăng 8 chôu/môi hâi môi tiah hdrối nah hiăng pro tơ’lêi hlâu ăm kuăn pơlê vâ troh chêh dêi inâi hlá mơ-eá vâ pro ăm theh.

Troh nôkố, Kŏng an kong pơlê hiăng xo 70 rơpâu hồ sơ chêh pơtroh ăm khu xiâm kŏng an pro hơ’leh theh. Tiô pơkâ troh lơ 30/6 ah Kŏng an kong pơlê Dak Lak hiăng pro klêi vâ chê 1,2 rơtuh theh kăn kươk kuăn pơlê tiô pơkâ (ki iâ gá 70% ki khu xiâm pơkâ).

Gương tơplôu ƀă tơbleăng