Maluâ kơdrum kơphế lối 1 ha dêi rơpo\ng hngêi dế tum hên la ngoh Triệu Văn Tinh (ối a thôn Cao Bằng, cheăm Dak Phơi, tơring Lak) xuân hâi châ krí dêi. Ngoh Tinh ăm ‘nâi, nôkố ôh tá tơniăn, rơpo\ng hngêi hmiân tuăn lôi dêi kơphế tum vâ tâi mê nếo krí môi hdroh hlối. Hlối kơdroh ‘no liăn mơhá vâi krí [ă tê yă châ kơnâ há:

‘’Nôkố hiăng troh rơnó krí, ko\ng an thôn, ko\ng an cheăm klêi mê mâu khu rơtăm sap 5 troh 7 chôu kơmăng vâi lăm gak ngăn tơmeăm khoăng kuăn pơlê, a hiăng hmiân tuăn. Vâi lăm séa ngăn môi tiah mê á ôh tá tô tuăn, hlối hmiân há, kơdroh ki tô tuăn xâu vâi lơ tong krí, tong tơmeăm ki kố ki mê’’.

Cheăm Đăk Phơi ai lối 600 ha kơphế pêt tung lâp 11 thôn, pơlê. Vâ kring vế, gak tơniăn kế tơmeăm pêi lo, ko\ng an cheăm Dak Phơi đi đo lăm hnê tối, mơhnhôk kuăn pơlê hbrâ rơnáu, tơmâng xo mâu tơdroăng ki kuăn pơlê tối. A mâu thôn pơlê, ko\ng an cheăm xuân mơjiâng mâu khu, mâu đo#i kring vế, gak ngăn tơru\m [ă kuăn pơlê lăm séa ngăn, tơru\m [ă kuăn pơlê gak ngăn tơmeăm pêi lo ing chiâk deăng.

Pôa Lục Văn Việt, Kăn pho\ pơkuâ Ko\ng an cheăm Da Phơi tối ăm ‘nâi, vâ tơmâng xo  mâu tơdroăng kuăn pơlê tối ăm ‘nâi, phôn râng ko\ng dêi mâu nho\ng o ko\ng an cheăm đi đo po plâ hâi măng.

Dak Lak hbrâ mot tung rơnó krí kơphế

Rêm kơmăng mâu khu ki mê x^ng xoăng 4 ngế lăm gak ngăn a thôn, pơlê prôk ngăn tung pơlê, kring vế tơmeăm kuăn pơlê.

Pak^ng mê nếo, ko\ng an cheăm pơkâ thế mâu tíu tê  tơmeăm, tíu mơdró kân ki rôe kơphế, tiu, alâi dêi kuăn pơlê tung cheăm k^ tơhrâ ôh tá rôe kơphế ki vâi tong.  

‘’Rơnó krí kơphế kố, mâu ko\ng an cheăm tơbleăng hlá mơ-éa chêh tối ăm rêm tíu tê mơdró tơmeăm pôi tá rôe kơphế ki ối drêh, ki hâi khăng, ôh tá rôe kơphế ki vâi tê a kơmăng. Ăm mâu rơpo\ng ki tê mơdró k^ tơhrâ a tung hlá mơ-éa dêi cheăm tơbleăng, mâu rơpo\ng ki lâi pro xôi lơ rôe kơphế ki vâi tong [ă kơphế hâi khăng kô pơxâu phâk’’.  

Pơtối pêi pro tơdroăng gak ngăn, hên đoân viên, mâu rơtăm cheăm Dak Phơi hiăng kơhnâ veăng tơru\m [ă ko\ng an cheăm [ă kuăn pơlê lăm ngăn, kring vế tơmeăm kuăn pơlê. Ngoh Hoàng Trường Giang, Kăn hnê ngăn Đoân cheăm Dak Phơi tối ăm ‘nâi, sap ing veăng ai khu đoân viên droh rơtăm veăng kring vế, mâu tơdroăng môi tiah tong tơmeăm kân, tơmeăm ku\n, lơ tơku\m dêi rơpó ôu drôu biêr, tơ’noăng kơto rơxế pro ga têi pơ’lok pơ’lăng tung thôn, pơlê, nôkố hiăng kơdroh:

‘’Hbrâ rơnó xo tơmeăm pê lo dêi kuăn pơlê mê tung tôh đoân viên, mâu rơtăm ki rak ngăn thôn, pơlê, ko\ng an đi đo lăm séa ngăn, mâu tíu ki xiâm. Vâ pro tơniăn ăm kuăn pơlê hmiân tuăn tung rơnó xo dêi tơmeăm pê lo ing chiâk deăng, malối rơnó krí kơphế xuân môi tiah pro tơniăn‘’.

Pak^ng tơdroăng mơhnhôk kuăn pơlê hbrâ rơnáu, teăm tối i nâi mâu ki xôi, pơxâu phâk kơtăng mâu ngế ki tong kơphế. Vi [an cheăm Dăk Phơi ối hnê mơhno ăm mâu ko\ng an cheăm chêh inâi mâu ngế lăm troh a pơlê ki lăm pêi cheăng vâi tung rơnó kố vâ hlâu séa ngăn, ôh tá ăm mâu khu ki tong châ tong kơphế dêi kuăn pơlê.

Pak^ng mê, cheăm mơhnhôk mâu rơpo\ng kuăn pơlê ôh tá chiâng krí kơphế ối ‘miê, kơphế ôi kơbâng ah lơ kơdroh ki le\m dêi kơphế, hlối pro lu\p ‘na cheăng kâ. Pôa Y Krang Liêng Hot - Kăn pho\ hnê ngăn Vi [an cheăm Dak Phơi ăm ‘nâi, kơnôm pêi tro tơdroăng kring vế tơniăn tung hơnăm hiăng luâ, kuăn pơlê đi đo hmiân tuăn pêi cheăng kâ, [ă tơdroăng tong tơmeăm hiăng hlo kơdroh há:

‘’To lâi hơnăm hdrối nah hmâ hlo hên vâi tong tơmeăm, hnêi tơkâng kơphế, tong krí plâi kơphế, hơnăm kố hiăng kơdroh tơdroăng ki mê. ‘Na tơdroăng krí kơphế hnê tối ăm kuăn pơlê ăm kơphế tum vâ tâi ‘nôi nếo krí, pôi tá krí kơphế ki hâi tum tâi ah lơ tơdjâk troh yă tê há’’.

Rơnó kơphế hơnăm 2018-2019 dế troh. {ă tơdroăng veăng tơmâng dêi mâu khu râ pơkuâ cheăng kring vế gak ngăn tơdroăng kal kí, ‘na kring gak a cheăm Dak Phơi châ tơniăn, kum kuăn pơlê ai môi rơnó krí dêi plâi kơphế tơniăn.

Tuấn Anh chêh

Gương tơplôu [ă tơbleăng