VOV4.Sêdang -  Vi ƀan hnê ngăn kong pơlê Dak Lak tơkŭm po Rôh hôp mơgêi hnoăng cheăng hơnăm 2020, tơbleăng hnoăng cheăng hơnăm 2021 dêi Khu hnê mơhno cheăng hbrâ mơdât mâu ngế ki pro xôi, pro xôi tung pơlê pơla ƀă mơjiâng tơdroăng Tâi tâng kuăn pơlê kring vế Tơnêi têa kong pơlê.

Tiô hlá mơ-éa tối tơbleăng a hneăng hôp, hơnăm 2020, tơdroăng gak kring kal kí a kong pơlê pơtối châ rak vế. Mâu ngế ki pro xôi ‘na tơniăn pơlê pơla pơtối hlo kơdroh; mâu ngế ki xôi ‘na pâk chik xúa trếo ma tŭi châ hlo hên tâ; tơdroăng ki tơklô̆m rơxế a troăng prôk tá 3 tơdroăng hlo kơdroh.

A rôh hôp, Vi ƀan hnê ngăn kong pơlê pơkâ thế tung la ngiâ, mâu kơ koan, tíu pêi cheăng, kong pơlê pơtối tối tơbleăng pêi pro kơtăng, tơƀrê mâu tơdroăng pơkâ dêi Đảng, túa pơkâ dêi kong pơlê ‘na hnoăng cheăng tơplâ mơdât mâu ngế ki pro xôi, hbrâ mơdât tơdroăng ki pâk chik xúa trếo ma tŭi, mơjiâng tơdroăng Tâi tâng kuăn pơlê gâk kring Tơnêi têa; tơkŭm hnê mơhno, tơbleăng mâu troăng hơlâ, rak vế tơdroăng kring vế tơniăn tung hnoăng cheăng tâ phĭu pôk kăn Kuô̆k hô̆i hneăng má 15 ƀă kăn Hô̆i đong hnê ngăn rêm râ hơnăm 2021 – 2026.

Katarina Nga tơplôu ƀă tơbleăng