VOV4.Sêdang - Drêng pơreăng xông tâ tú ó dêi pơreăng COVID-19 pơtối châ hlo kơxô̆ tro tâ tâk hên tung to lâi hâi hiăng hluâ, Vi ƀan kong pơlê hiăng pơkâ mơjiâng hngêi pơkeăng pơtân kơxô̆ 2 vâ pơlât mơngế tro tâ COVID-19. Hngêi pơkeăng pơtân kơxô̆ 2 ối tung Tíu xiâm khăm pơlât tơring Cư Kuin pơkuâ, ai 1.500 xoăng koi pơlât, xo pơtân Tíu pêi cheăng Hngêi trung hnê Chĭnh trĭ kong pơlê Dak Lak a kơxô̆ 1 Nguyễn Lương Bằng, pơlê kong kơdrâm Ƀuôn Ma Thuột.

Hngêi trung hnê Chĭnh trĭ kong pơlê Dak Lak châ xo vâ pro pơtân hngêi pơkeăng khăm pơlât pơtân

Akố kô pơlât, rak ngăn, klâ kơtăn mâu ngế tro tâ pơreăng ki yương tĭnh ƀă COVID-19 ki ôh tá râ; tơdah, pơlât ăm mâu ngế tro tâ ôh tá râ ƀă tung châ ôh tá ai hên pơreăng ki ê, châ chăn tơniăn; Pơlât mâu tơdroăng châi ki ê drêng tơdah pơlât ƀă kơmăi ‘mâi pêi pro tơdroăng pơto pơlât a hngêi pơkeăng râ kơpêng tiô pơkâ. Hngêi pơkeăng pơtân kơxô̆ 2 kô pơxiâm pêi cheăng sap ing apoăng khế 11/2021.

A Sa Ly tơplôu ƀă tơbleăng