VOV4.Sêdang - Klêi 2 rôh hôp tơpui tơno, Vi ƀan Măt trâ̆n tơnêi têa Việt Nam kong pơlê Dak Lak hiăng chêh klêi inâi mâu ngế ki vâ lo tơbriât pro kăn Kuô̆k hô̆i ƀă Hôi đong rêm râ. Mâu cheăm tơring tung kong pơlê hiăng pê klêi xo mâu tơdroăng veăng hnê khĕn dêi kuăn pơlê a tíu ối, troh rôh hôp tơpui tơno má 3, hbrâ vâ troh hâi lêh tâi tâng kuăn pơlê.

Tiô Vi ƀan Măt trâ̆n kong pơlê, mâu rôh tơmâng xo tơdroăng veăng hnê khĕn,  tơdroăng vâ rah xo dêi kuăn pơlê a tíu ối hiăng ai tơpui tối hên mâu tơdroăng, tro tuăn, tối tơdrăng, rak tơniăn tung pơla po hôp, tro tiô pơkâ.

Dak Lak pê klêi tơdroăng tơmâng xo rơkong tối kuăn pơlê veăng hnê khĕn , hbrâ vâ hôp tơpui tơno rôh má 3

Troh lơ 12/4, tâi tâng mâu ngế ki vâ lo tơbriât pro kăn Kuô̆k hô̆i ƀă Hôi đong rêm râ a kong pơlê Dak Lak xuân tơniăn ‘na ki rah xo, tơniăn ăm tơdroăng pro hneăng hôp roh má 3 châ tơkŭm tro hâi khế tối hdrối.

A rôh hôp tơpui tơno má 2, Vi ƀan Măt trâ̆n Tơnêi têa Việt Nam kong pơlê Dak Lak hiăng môi tuăn cheh inâi 12 ngế dêi kong pơlê vâ tơbriât pro kăn Kuô̆k hô̆i hneăng 15 ƀă 138 ngế lo tơbriât pro kăn Hô̆i đong rêm râ kong pơlê. Dak Lak tiô tối hdrối, kô tơkŭm po hôp roh má 3 a hâi lơ 16/4.

Gương tơplôu ƀă tơbleăng