VOV4.Sêdang - Kơ’nâi 28 hâi pơlât COVID-19 a hngêi pơkeăng pơlât kơ o hĕn ƀă êi xô kong pơlê Dak Lak, kơxo lơ 8/6, péa ngế ki tâ COVID-19 má   3237 ƀă 3334 hiăng châ lo ing hngêi pơkeăng kơ’nâi 3 rôh khăm ngăn mơheăm hlo âm tính  ƀă SARS-CoV2. Péa ngế ki mê xuân ối a hơlâ  189/1, troăng Mai Hắc Đế, bêng Tân Thành, pơlê kong kơdrâm Ƀuôn Ma Thuột.

Dak Lak: Péa ngế tâ COVID -19 má 3237 ƀă 3334 hiăng châ lo pơlât ing hngêi pơkeăng

Kơ’nâi 28 hâi pơlât, ivá prếi hiăng tơniăn ƀă 3 hdroh khăm ngăn mơheăm achê kố xuân ăm hlo âm tính ƀă SARS - CoV-2. Klêi lo ing hngêi pơkeăng, péa ngế mê pơtối séa ngăn dêi ivá a tíu ối kơ’nâi pơlât Covid-19 tro tiô pơkâ dêi Khu xiâm ngăn pơkeăng pơlât. Tiah mê, riân troh hâi lơ 8/6, kong pơlê Dak Lak ối ai 2 ngế tâ Covid-19 dế ăm klâ krê ƀă pơla a Hngêi pơkeăng pơlât kơ o hiê̆n ƀă êi xôu.

Gương tơplôu ƀă tơbleăng