VOV4.Sêdang - Kơxo lơ 15/4, Khu hnê mơhno Kơvâ rak tơniăn kế kâ kong pơlê Dak Lak tơkŭm po Hneăng hôp pêi pro Khế pêi tơdroăng xua rak tơniăn bê kế kâ hơnăm 2021 tơkŭm po sap hâi lơ 15/4 troh hâi lơ 15/5/2021 ƀă dó inâi “Tơniăn kế kâ, hbrâ mơdât hơ-ôu kế kâ tung rơxông nếo”.

Séa ngăn tơmeăm khoăng a Dak Lak

Pơkâ xiâm dêi Khế lo pêi cheăng cho thăm pơtâng tối i tơtro khât, teăm tơdrêng, tŭm têk, pôu râng hnoăng cheăng ‘na rak tơniăn kế kâ vâ mơdêk hnoăng dêi mâu ngế krê, khu tê mơdró tung pêi pro luât ‘na rak tơniăn kế kâ; Thăm mơnhông tơdroăng séa ngăn ‘na rak tơniăn kế kâ a mâu tíu mơjiâng pro tê mơdró vâ kơdroh hơ-ôu kế kâ. 

Tơdroăng pêi pro khế lo pêi pro xua rak tơniăn kế kâ kô kum Dak Lak mơdêk hlê plĕng, pôu râng hnoăng cheăng dêi mâu râ, kơvâ cheăng, ngế krê mơjiâng pro, tê mơdró kế kâ, kơdroh tơmeăm kâ ki ôh tá krúa lĕm châ tê tung kơchơ mơdró.

A Sa Ly tơplôu ƀă tơbleăng