VOV4.Sêdang - Kơxo lơ 19/3, a hneăng hôp tơpui tơdroăng cheăng, Hô̆i đong kong pơlê Dak Lak hneăng 9, hneăng hơnăm 2016 – 2021 hiăng pêi pro tơdroăng ăm pơtê cheăng, rah xo tơ’nôm kăn phŏ hnê ngăn Hô̆i đong kong pơlê, Kăn cheăng tung Vi ƀan kong pơlê hneăng 9, hneăng hơnăm 2016 – 2021.

Pơtối mê, Hô̆i đong kong pơlê Dak Lak hiăng têk kŏng môi tuăn ăm pơtê cheăng Kăn cheăng tung Vi ƀan kong pơlê hneăng 9, hneăng hơnăm 2016 – 2021 ƀă thiê̆u tươ̆ng Lê Văn Tuyến – kăn pơkuâ Kŏng an kong pơlê xua hiăng lăm pêi cheăng ki ê.

Dak Lak rah xo tơ’nôm kăn phŏ hnê ngăn Hô̆i đong kong pơlê 

Tơdrêng amê rah xo tơ’nôm kăn cheăng tung Vi ƀan kong pơlê Dak Lak hneăng 9, hneăng hơnăm 2016 – 2021 ƀă Đăi tă Lê Vinh Quy, Kăn pơkuâ Kŏng an kong pơlê Dak Lak. Xuân a hneăng hôp, mâu kăn teăng mâ hiăng môi tuăn rah pôa Y Vinh Tơr – Kăn cheăng tung khu xiâm Đảng, Kăn pơkuâ hnê ngăn cheăng Đảng kong pơlê, kăn pơkuâ hnê ngăn cheăng Đảng pơlê kong krâm Ƀuôn Hồ to pro Kăn phŏ hnê ngăn Hô̆i đong kong pơlê Dak Lak hneăng 9, hneăng hơnăm 2016 – 2021, ƀă 100% phĭu vâ môi tuăn.

A Sa Ly tơplôu ƀă tơbleăng