VOV4.Sêdang -  Ƀă tơdroăng rak tơniăn ăm tơdroăng tâ phĭu, mâu Kŏng an kong pơlê Dak Lak dế tơbleăng pêi hên tơdroăng vâ pro tơniăn ăm hneăng tâ phĭu rah xo kăn Kuô̆k hô̆i hneăng 15 ƀă kăn hnê ngăn Hô̆i đong kuăn pơlê rêm râ hneăng hơnăm 2021-2026. Tiô Đăi tă Lê Vinh Quy, Ngế xiâm pơkuâ Kŏng an kong pơlê Dak Lak, khu kêng kŏng an kong pơlê xuân pơtối pêi cheăng kơtăng vâ tăng rup mâu ki ai xôi, mâu ki pro xôi luât, vâ pôi tá ai mâu tíu ki rơ-iô ‘na tơdroăng ki pro ôh tá tơniăn vâ tơniăn ăm hneăng tâ phĭu rah xo kăn Kuô̆k hô̆i hneăng 15 ƀă kăn hnê ngăn Hô̆i đong kuăn pơlê rêm râ hneăng hơnăm 2021-2026.

Kŏng an kong pơlê Dak Lak po rôh lăm séa ngăn vâ tăng rup mâu ki ai xôi

Mâu tíu pêi cheăng mơjiâng pơkâ xĭng xoăng tơdroăng cheăng, xing xoăng mơngế cheăng gak a mâu troăng, tung pơlê, tiú ki kal. Mâu kăn sát, ƀă kăn sat cơ động, Kăn sát 113 séa ngăn a pơlê cheăm, mơdêk lăm séa ngăn vâ tơniăn pơlê pơla, drô troăng ƀă tơniăn a mâu tíu tơkŭm tâ phĭu.

Gương tơplôu ƀă tơbleăng