VOV4.Sêdang - Vi ƀan tâ phĭu kong pơlê Dak Lak tối ăm ‘nâi, lâp kong pơlê kố ai 1.794 kơpong tâ phĭu ƀă 1.802 tíu tâ phĭu rah xo kăn teăng mâ Kuô̆k hô̆i hneăng XV ƀă kăn teăng mâ Hô̆i đong kuăn pơlê kong pơlê hneăng hơnăm 2021 – 2026. Drêng ai pơreăng xông tâ tú, mâu troăng hơlâ tung hneăng hbrâ mơdât pơreăng COVID 19 a mâu kơpong kố kô châ pêi pro krá tơniăn, rak ăm hâi tâ phĭu la ngiâ. Kơvâ khăm pơlât kong pơlê Dak Lak dế séa ngăn tơdroăng pơreăng COVID 19 xông tâ tú tung tơnêi têa ƀă kong têa ê; tơniăn ăm tơdroăng tơrŭm krá tơniăn pơla Khu pơkuâ tâ phĭu ƀă Khu hnê mơhno hbrâ mơdât pơreăng COVID 19 mâu râ.

Khu râ kăn pơkuâ kong pơlê Dak Lak séa ngăn tơdroăng tâ phĭu a mâu tơring

Kơvâ ngăn ‘na hnoăng cheăng kố xuân hiăng hbrâ mơngế, rơxế, tơmeăm khoăng, pơkeăng vâ kâi hbrâ mơdât pơreăng COVID 19 tung pơla tơkŭm po tâ phĭu. Vi ƀan tâ phĭu kong pơlê Dak Lak pơkâ mâu tơring rah mâu tíu tâ phĭu tơtro tiô pơkâ hbrâ mơdât pơreăng, ai ƀăng kân, bâ phuâng, vâ pêi pro klâ kơtăn drêng tâ phĭu. Tâi tâng mâu ngế tâ phĭu ƀă mơngế kum tung tơdroăng tâ phĭu thế truâ kên klup rơkong môh, xếo kŏng ƀă pơkeăng kơdê pơreăng.

A sa Ly tơplôu ƀă tơbleăng