VOV4.Sêdang - Hlo pơreăng COVID -19 tâ tú rơ-iô, Khu xiâm ngăn hnê hriâm ƀă hnê mơjiâng tuăn ngôa rơkê dêi kong pơlê Dak Lak hiăng pơkâ hlá mơ-eá tơdrêng ‘na tơdroăng thế pê klêi tơdroăng séa ngăn, tối tơdroăng hriâm hneăng má 2 ƀă mơ’nui hơnăm hriâm; tơdroăng ‘mâi hơ’lêh pơkâ hnê hriâm vâ hbrâ mơdât pơreăng COVID-19 tung  kong pơlê.

Tiô Khu xiâm ngăn hnê hriâm ƀă hnê mơjiâng tuăn ngôa rơkê kong pơlê Dak Lak thế Ngế xiâm pơkuâ mâu hngêi trung, tíu pêi cheăng thâ mơdêk tơdroăng séa ngăn, tối vâ ‘nâi tơdroăng hriâm hneăng má 2  ƀă mơ’nui hơnăm 2020-2021 ăm mâu hok tro dêi hngêi trung, tơniăn tâi troh lơ 13/5/2021 thế klêi. 

Klêi hiăng pê klêi pơkâ hnê ƀă hriâm, mâu hngêi trung, tíu xiâm hnê hriâm pêi kơtăng, tối tro tơdroăng ‘na hriâm, ối má to lâi dêi hok tro râ má pái phôh thong ƀă mâu ngế hriâm a mâu tíu hnê hriâm tiô hlá mơ-eá dêi khu xiâm ngăn hnê hriâm ƀă hnê mơjiâng tuăn ngôa rơkê, hbrâ pê klêi mâu tơdroăng tung hơnăm hriâm tiô pơkâ a Tơdroăng pơkâ hâi khế hơnăm hriâm 2020-2021 hiăng châ Vi ƀan kong pơlê pơkâ hdrối mê.

Gương tơplôu ƀă tơbleăng