Mơhé hiăng ai on tơhrik chât hơnăm, laga rơpo\ng pôa Mai Anh Tuấn xuân môi tiah hên rơpo\ng a thôn 1, cheăm Chư Króa, tơring M’Drak, kong pơlê Dak Lak xuân ôh tá hmiên tuăn xau on tơhrik ôh tá têi. Xiâm kối cho xua troăng kơxái on tơhrik hiăng tơ’nhê, on tơhrik châ lo pakong, tơdrêng amê tơdroăng kal vâ xúa on tơhrik hên xua mê, on tơhrik ôh tá tơniăn. Pôa Mai Anh Tuấn tối ăm ‘nâi:

Tơdroăng xúa on tơhrik xuân hiăng ton xua mê gá hiăng tơ’nhê. Nôkố pơlê pơla mơnhông mơdêk, kế tơmeăm khoăng xúa tung hngêi ki hên xúa on tơhrik, pơtih têa vâ tôh tiêu, tơdroăng rêh ối rêm hâi xúa kơtuh hngiú, tivi rơ’jíu, cassete, karaoke. Tơdroăng rêh ối mơnhông mơdêk thế xúa on tơhrik hên xua mê troăng kơxái on tơhrik ton ôh tá tơniăn, mâu rơpo\ng kuăn pơlê a hơhngế trăng on tơhrik, on tơhrik chôa ôh tá chiâng vâ xúa.

Vâ tơleăng tơdroăng kố, hơnăm kố tung tơring M’Drak hiăng châ po rơdâ 3 tơdroăng tâp trăng hnhâng kơxái on tơhrik thôn pơlê vâ xing xoăng on tơhrik tơniăn ăm 500 rơpo\ng kuăn pơlê.

A tơring Ea Kar, rơtế [a\ tơdroăng tơkêa bro tâp trăng hnhâng kơxái on tơhrik ăm 200 rơpo\ng hdroâng kuăn ngo a pơlê Rơteăng, cheăm Ea Sar kêi đeăng hdrối Têt lo hơnăm nếo hơnăm kố, tơdroăng ‘mâi rơnêu troăng kơxái on tơhrik thôn pơlê hiăng châ khu pơkuâ on tơhrik tơmâng pêi pro, vâ mơdêk ki têi le\m on tơhring tung pơlê.

Pôa Trần Văn Dũng – Pho\ pơkuâ on tơhrik Ea Kar tối ăm ‘nâi, khu cheăng hiăng mơ’no lối 40 rơtal liăn  vâ mơjiâng 26 kơmăi klâ xoăng on tơhrik, hnhâng lối 20km troăng kơxái on tơhrik hạ thế, tơdrêng amê hơ’lêh tâi tâng chôu on tơhrik ăm lối 12 rơpâu rơpo\ng.

Troăng kơxái ki kân a pơlê Xơ đăng 3 hiăng pro klêi

Ngin tơdah peăng khu tơru\m cheăng on tơhrik, têa krúa Ea Kar lối 12.000 rơpo\ng. Troh nôkố ngin rơnêu pro troăng kơxái on tơhrik tơniăn le\m ing tơdroăng mơ’no liăn ‘mâi rơnêu troăng kơxái on tơhrik, pêi kơtăng khât, ngin hiăng re\ng rơnêu bu tung pơla 6 khế. Tiô pơkâ kơxo# 4 dêi tơdroăng mơjiâng thôn pơlê nếo mê ngin tơru\m [a\ khu kăn pơkuâ cheăm vâ pêi pro kêi đeăng tơxâng tiô pơkâ akố.

Bu tung pơla iâ hâi, bu môi khế tê, drêng kong prâi ôh tá tơniăn, kong mêi khía laga hiăng pro kêi đeăng teăm tơdrêng ăm kơmăi klâ xoăng on tơhrik [uôn Ea Cung, cheăm Chư Huê teăm tơdrêng ai on tơhrik xúa.

Tung mâu hâi mơ’nui hơnăm 2017, a mâu thôn 5, 6 [a\ 8 dêi cheăm Ea Hu, tơring }ư Kuin, tơdroăng mơjiâng thôn pơlê nếo xuân dế thăm pêi pro, [a\ tơdroăng rơnêu troăng on tơhrik hạ thế tung cheăm. Hlo ki pơxúa  khu pú hên [a\ khu môi ngế, xua mê mâu rơpo\ng pơrá môi tuăn ăm ‘nhâ kơnâng, kếo loăng vâ khu tâp trăng hnhâng kơxái on tơhrik pêi cheăng.

Pôa Nguyễn Kim May, Kăn hnê ngăn Vi[an cheăm Ea Hu tối ăm ‘nâi, cheăm ai 8 thôn mê nếo bu ai 5 thôn ai troăng kơxái on tơhrik hạ áp [a\ trung áp tơtro tiô pơkâ, ki ê 3 thôn xuân xúa troăng on tơhrik ki pơtân [a\ xúa tơchuâm chôu on tơhrik. Vâ châ tiô pơkâ kơxo# 4 tung tơdroăng mơjiâng thôn pơlê nếo, cheăm châ k^ kơxo# liăn dâng 10 rơtal liăn.

Tung tơdroăng tơkêa bro mơjiâng thôn pơlê nếo túa pơkâ ‘na on tơhrik dêi cheăm, mê tơdroăng tơkêa bro châ k^ dâng 10 rơtal liăn, kuăn pơlê veăng tơlo 10% ing tơdroăng pleăng tơnêi, tăng tơnêi tâp trăng hnhâng kơxái on tơhrik, ki ê cho Tơnêi têa [a\ kơvâ on tơhrik mơ’no liăn. ‘Na tơnêi, kuăn pơlê hiăng pleăng tơnêi, tâng tung hơnăm la ngiâ kơvâ on tơhrik châ tâp trăng hnhâng kơxái troăng hạ áp [a\ trung áp kố re\ng mê mơ’nui hơnăm 2018 ngin kô kêi đeăng túa pơkâ cheăng kố.

Khu ngăn on tơhrik Dak Lak ‘mâi rơnêu troăng kơxái on tơhrik

Pôa Lê Hoài Nhơn, Pho\ pơkuâ Ko\ng ti on tơhrik Dak Lak tối ăm ‘nâi nôkố lâp kong pơlê hiăng ai 116 tung tâi tâng kơxo# 152 cheăm pêi kêi đeăng túa pơkâ kơxo# 4 ‘na on tơhrik thôn pơlê nếo. Tung mâu hơnăm hiăng hluâ, rơtế [a\ tơdroăng tơmâng dêi tơnêi têa, kơvâ on tơhrik xuân ‘măn hên kơxo# liăn phá tơ-ê dêi pó vâ mơ’no liăn rơnêu, rơnêu le\m [a\ tâp trăng hnhâng kơxái on tơhrik a kơpong thôn pơlê. Pôa Lê Hoài Nhơn tối ăm ‘nâi:

Troh nôkố, ngin ‘măn 2 kơxo# liăn vâ rơnêu troăng kơxái on tơhrik tung lâp kong pơlê vâ kum tung tơdroăng tơniăn túa pơkâ kơxo# 4 ‘na on tơhrik tung mơjiâng thôn pơlê nếo. Má péa, tiô tơkêa dêi Grup pơkuâ on tơhrik Việt Nam, Grup pơkuâ hiăng tơkêa xing xoăng liăn vâ Ko\ng ti on tơhrik Miền Trung xing xoăng liăn mơ’no túa pêi pơkâ kơxo# 4 ‘na on tơhrik tung kong pơlê Dak Lak tung môi pơla re\ng má môi.

Tiô Khu hnê mơhno mơjiâng thôn pơlê nếo kong pơlê Dak Lak, vâ 36 cheăm ki ê pêi châ tơ-[rê tiô pơkâ kơxo# 4 ‘na thôn pơlê nếo, kong pơlê kal dâng 887 rơtal liăn. Tung mê, ki hên cho kơxo# liăn Tơnêi têa dâng 780 rơtal liăn, kơxo# liăn xo hdrối 110 rơtal liăn. Pôa Trương Công Hồng, Pho\ pơkuâ ‘na kơmăi kơmok tê mơdró, tối ăm ‘nâi, kong pơlê mơ-eăm troh hơnăm 2020, tâi tâng mâu cheăm kô pêi kêi đeăng túa pơkâ kơxo# 4 ‘na on tơhrik a thôn pơlê.

Vâ châ tiô pơkâ kơxo# 4 ‘na on tơhrik dêi kong pơlê mê kơvâ on tơhrik rơtế Vi[an kong pơlê kô lôi tơdroăng ki xo hdrối lối 100 rơtal liăn. {a\ kơxo# liăn dêi Tơnêi têa xing xoăng tiô tơdroăng 2018 cho lối 700 rơtal liăn tiô kơxo# liăn ki ăm mung tiô pơkâ, tâng Ngế pro xiâm ăm kơxo# liăn mê mê tung la ngiâ mơni kong pơlê kô pêi châ tiô pơkâ troh hơnăm 2020 kô pêi kêi đeăng mâu pơkâ ‘na on tơhrik.

Quốc Học chêh

A Sa Ly tơplôu [a\ tơbleăng