VOV4.Sêdang - Pêi pro tiô rơkong krếo thế veăng tơlo liăn roê vaccine ƀă kế tơmeăm xúa tung khăm pơlât hbrâ mơdât pơreăng Covid-19 dêi Vi ƀan Măt trâ̆n Tơnêi têa Việt Nam, klêi lối môi măng tĭng krếo thế, mâu khu mơdró kâ, mâu ngế krê a kong pơlê Dak Lak hiăng veăng tơlo vâ chê 6 rơtal liăn xua 30 khu mơdró kâ ƀă 1 ngế krê veăng tơlo. Klêi kơ’nâi pêi pro klêi tơdroăng ki tơdah xo, Vi ƀan Măt trâ̆n Tơnêi têa Việt Nam kong pơlê Dak Lak kô pơtroh tâi tâng ăm khu râng liăn dêi Vi ƀan Măt trâ̆n Tơnêi têa Việt Nam, kum ăm tơdroăng ki mơdrếo roê vaccine ƀă kế tơmeăm xúa tung khăm pơlât, hbrâ mơdât pơreăng Covid-19 xing xoăng ăm mâu tơring, cheăm.

Dak Lak tơdah xo vâ chê 6 rơtal liăn roê vaccine hbrâ mơdât Covid-19

Tung mâu hâi la ngiâ, Vi ƀan Măt trâ̆n Tơnêi têa Việt Nam kong pơlê Dak Lak pơtối tơdah xo liăn tŏng kum sap ing mâu khu tơrŭm, mâu ngế krê a kong pơlê a tíu kơxô̆ 07 Nguyễn Tất Thành, pơlê kong kơdrâm Ƀuôn Ma Thuột, kong pơlê Dak Lak; lơ hŏng kơxô̆ tài khoản Khu tŏng kum kong pơlê (ối tung Vi ƀan Măt trâ̆n Tơnêi têa Việt Nam kong pơlê Dak Lak): 3751.0.9035934.0000: Tíu rak liăn Tơnêi têa kong pơlê Dak Lak.

Katarina Nga tơplôu ƀă tơbleăng