VOV4.Sêdang - Kơxê lơ 4/5, Vi ƀan Măt trâ̆n tơnêi têa Việt Nam kong pơlê Dak Lak tơkŭm po Hneăng hôp pêi pro pơkâ tơkŭm po trâm mâ kuăn pơlê vâ rah xo kăn teăng mâ Kuô̆k hô̆i hneăng má XV, kăn teăng mâ Hô̆i đong kuăn pơlê kong pơlê hneăng má 10, hneăng hơnăm 2021 – 2026 pêi pro mơhnhôk tâ phĭu.

Tiô tơbleăng inâi mâu ngế tơbriât to pro kăn teăng mâ Kuô̆k hô̆i hneăng má XV ƀă Hô̆i đong kong pơlê hneăng X hneăng hơnăm 2021 – 2026, kong pơlê Dak Lak ai 15 ngế tơbriât to pro kăn teăng mâ Kuô̆k hô̆i hneăng XV (tung mê ai 04 ngế Khu xiâm tơnêi têa tơbleăng tơbriât to pro kăn) châ tơbleăng mơhnhôk tơbriât to pro kăn a 03 tíu tâ phĭu; 125 ngế tơbriât to pro kăn teăng mâ Hô̆i đong kuăn pơlê kong pơlê hneăng má X, hneăng hơnăm 2021 – 2026 châ tơbleăng mơhnhôk tơbriât to pro kăn a 20 tíu tâ phĭu.

A tíu hneăng hôp

Mâu hneăng hôp trâm mâ kuăn pơlê ƀă mơngế tơbriât to pro kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kuăn pơlê mâu râ tung kong pơlê Dak Lak hneăng hơnăm 2021 – 2026 châ tơkŭm po sap hâi lơ 5/5 troh hâi lơ 12/5/2021. Tơdroăng tơkŭm po mâu hneăng hôp trâm mâ kuăn pơlê mơhnhôk tâ phĭu thế tơtro ƀă pơkâ hbrâ mơdât pơreăng COVID 19.

A Sa Ly tơplôu ƀă tơbleăng